Saiphai khua-in ITI veng tan chawhmeh hlan

Aizawl | June 4, 2021: Saiphai khua chuan nimin khan Aizawl ITI veng tan chawhmeh thahnem tak an hlan. Heng chawhmeh te hi  khawtlang huapa hnatlanga an zawn leh mi thilphalte thawhkhawm atanga tling khawm te an ni.


ITI veng kher an pek chhan-ah hian thudawnnain a tarlan dan chuan, Saiphai VLTF huaihawtna in Saiphai NGO te nen Joint Committee neih a ni a, Aizawl veng thenkhat tanpui ngai tak tak an awm teuh tih kan hria a, kan khaw chhuak te awmna leh harsatna tam tak kara min rawn tanpui vang vang tu ITI veng, Aizawl rilru in a hre lo thei lo. Chuvangin an ni hi kan theih tawk chawhmeh kan neih ang tawk tawk pek nise tiin Joint Committee chuan thutlukna a siam ta a ni.

Joint YMA ten, VCP Pu.Lalramlianan phal taka a pêk Oil palm zik lak hna thawkin thahnem tak an la thei a. YMA Branch hnih ten Chengkawl chhitin ruah sur hnuaiah thahnem tak an lakhawm thei bawk a. Mimal thlai ngah deuh ten thahnem tak an pe hlawm a,  MHIP ten a lakpui leh lakkhawm hna an thawk bawk a ni.

Nimin piah khan khawtlang huapa hnatlangah chhawmdawlna atan chawhmeh thahnem tak a tling khawm a. SHG, MHIP leh VLTF, YMA hruaitu ten a remkhawm leh tel hna an lo thawk zung zung a. VLTF member ten a telna tur hnahthial hnah thahnem tak mai an la khawm bawk a ni. Tin, Mimal leh pawl atangin hemi kaihhnawiha hman tur pawisa ₹.27150 zet mai an dawng bawk a ni. Chawhmeh chi hrang lakkhawm zat hi chi 62 ani.

A phurh chhoh na tur motor, SHG Saiphai Ropuiliani group, WATSAN Committee, NEEPCO Tuirial, Pu.John Milton Pulamte leh Pu.H.Lalduhsanga ten an thawh a ni. 

VCP ho in hruaitu thenkhat ten chawhmeh lakkhawmte Aizawl lam pana phurh chhoh pui nghal a ni a. Bolero pick-up 3 leh Bolero Camper 2 hmanga phurh chhoh a ni a, nimin zing dar 6 vel khan ITI Veng, Aizawl an lo thleng a ni.

Saiphai LLTF hruaitute sawi danin  kum 2020 Lockdown laia kawng a pin vek khan ITI Veng YMA chuan Saiphai ramria duty LLTF te tan eitur bakah an mamawh engemawzat an lo pe tawh a ni.

Post a Comment

0 Comments