MZU | Varsity MIss 2021 MJ Ralte

byAmos MS Dawngzuala — 0



Mizoram University (MZU) Miss Varsity 2021 R. Lalmuanzovi i lo belchiang ang.


MZU Miss Varsity 2021 R. Lalmuanzovi , Mj-i tia koh hi H Lalbiaknii leh Lalhmachhuana Ralte te fa pathumna ni turin October 26, 1998 khan Biate khuaah a lo piang a, unau mipa pahnih leh hmeichhe pakhat dang neiin, tunah hian Zemabawkah a khawsa mek a ni.



Presbyterian Kohhran mi niin zirna lamah chuan 2015 khan Synod Higher Secondary School aṭangin HSLC 1st division-ah a pass a, HSSLC pawh Synod Higher Secondary School aṭang thovin 2017 khan 1st division pass leh in Pachhunga University College ah BA Education a zir leh a, tunah hian Mizoram University-ah MA Education a zir mek a ni.


Mj-in Exolore Mizoram zawhna min chhanna te han thlir ho ila: 

Hobby: Zai (eng nge maw harsatna/stress nasa deuh han neih chang te hian han zai vak mai ila ka dam sawng sawng hian ka hre ṭhin)



Duh zawng leh ngainat zawng hrang hrang te:
• Lehkhabu duh: Charles Dickens lehkhabu zawng zawng
• Actor: Ranbir Kapoor
• Actress: Priyanka Chopra
• Zaithiam: Zai hi nuam ka tih em avang hian zaithiamte hi ka ngaisang a,duh pawh ka ngah em em a mahse LAUREN DAIGLE hi ka duh zual, Mizo ah chuan Lalduhsaki
• Chawhmeh: Dal leh arsa
•.Hla: Duh ka ngah mai si ah, eng nge ka sawi ber ang  aw. Tun dinhmunah chuan How can it be-Lauren Daigle.
• Hmun: Khawi hmun pawh nise thlamuang taka ka awm theihna hmun hi nuam ka ti ber.
• Rawng: Black & White
• Ziaktu: Charles Dickens/ Pu Vanneihtluanga

• Mize ngainat zawng: Zaidam, mi rilru ngil leh midangte hriatthiamna ngah mi hi an ngainatawm ka ti.

• Mize ngainat loh zawng: Thinchhia leh mi chapo.


Kawppui tura duh zawng:
- Kristian chhungkua ka dinpui theih ngei tur ka duh a. Mihring nachang hria,rawn tlak leh in nghahna tlak ka duh bawk. Hang lam ai chuan ngo lamin ka mit an la zawk a, Music eng nge maw tal an thiam hian keimah ah chuan an tla na zual bik.

Relationship Status: Taken.

Aim in life:
- Teacher. Hemi bakah hian min mamawh tute tan a ban phak a awm reng a, mi dang te tan a ka theihna kawng  kawng a malsawmna nih zel hi ka nun a ka tum leh ka dah len berte zing a mi a ni bawk.


Miss Varsity thlannaa tel chhan:
- Ka thiante leh classmate te’n min nawr nasa a, keimah ah beiseina sang tak an nei bawk a. Ka hnial zo ta ngang lo a ni ber e.

Miss Varsity 2021 nih hi i inring reng em:
- Ring em em lo mahse ni tur erawh chuan ka theihtawp ka chhuah ve, Pathian tanpuina ka dil nasa a, ka tawngtai nasa bawk.

Miss Varsity in i nun a nghawng a neih:
- Contest kan neih lai kha chuan rilru kha a luah khat hneh ve a, chaw te kha ka ei tha thei lo a, ka mut tlem phah bawk mahse hmasawnna tam tak ka neih phah. Khati khawp khan mi te’n min lo duhsak a ni tih ka hriat phah a, ka ngaihlu tak zet. Tin, hmasawn zel duhna thinlung ka neih phah a, ka ti ve thei a ni ka tih ve ngam phah bawk.

Modelling hi I tui em:
- Tui tur paw’n ka ti ngai lova, ka tih tur ah  pawh ka lo dah ve ngai em em lo.


ZAWHNA DANG
• A tel lova i awm theih loh:
- Ni tin a dam khawchhuah nan a kan  mamawh bakah chuan ka phone hi a ni ang. A chhan chu tun dinhmun ah chuan thil tam zawk hi online a tih a ngai si a.

• I nun kaihruaitu: Ka chhungte leh ka thiante.

• Hringnun a i hlauh ber: Ka nun ka hloh ang tih ka hlau ber, Pathian lam ngaihsak lek lovin khawvel thilah ka tlan ang tih ka hlau. Chumi thlenglo tur chuan ka theih ang tawkin ka nun ka uluk ve thin.

• I tih ngai miah loh tur:
- Mi dangte chanai laksak a mahni in vur hi ka tih ngai miah loh tur ani.

• Mizo te tualzal nun a tha I tih:
- Lawm te kan in lawmpui thiam a, lungngai leh khawhar te kan in tawrhpui thiamna hi a hlu in ṭha ka ti.



• Quote I duh ber: Matthew 19:26 ‘’With God all things are possible’’

• Mizo hmeichhiate dinhmun:
- Hmanlai ngaihtuahin tunlai ah chuan Mizoram ah hian keini Mizo hmeichhia te hi kan dinhmun a chhe hauh lova, kan nun dan leh khawsak danin a zir ngat phei chuan dinhmun sang taka kan din theihna hmun a ni.

• Hnam hmingthat leh hmingchhiat kawnga meichhiate mawhphurhna:
- Kristian nun dan tur dik takin kan awmna hmun apiangah nung ila, dikna, tlawmngaihna leh rinawmna thuam hi inbel tlat ila chu chu hnam mawina leh hmingthatna tur a ni a, a ti hmingchhetu erawh nih duh hauh loh tur a ni.
Kan khawsak dan, kan inchei dan uluk a ngai a, a bik takin hnam dang laka kan nun dan uluk a ngai ka ti.


• Hnam ziarang chawi nun kawnga hmeichhiate mawhphurhna:
- Mizo tih thumal leh huaisen, tlawmngai leh aia upa zah tih te hi a in kawp tlat a. Chu chu Mizo hmeichhiate hian nunpui zel ila tichuan kan hnam ziarang hi a vul zel anga, kan chawi nung zel bawk ang.
Kan nun a kan lantir mai bakah kan chhungkua ah kan in zirtir anga, kan tu leh fate thlengin kan in zirtir bawk tur a ni. Chu chu kan mawhphurhna lian tak a ni bawk.

• Mizote tan “fa neih tlem‘’ inzirtir hi a ṭûlna I hria em:
- Mizote hi kan la tlem a, ’fa neih tlem’ inzirtir hi a tulna ka hre hauhlo. Amaherawhchu mahni dinhmun in hrechiang thung ila. Nu le Pa tan kan chawm zawh loh tur/chawm sen loh tur khawp a tam fa neih erawh tha ka ti lo.

• Mizo hnam thanmawh bawk ni a i hriat:
- Rim taka thawh aia awlsam taka neih nghal teuh kan tum tlatna rilru hi kan thanmawh bawk niin ka hria. Hei hian eirukna, hlemhletna nasa takin a tipung.

• Mizo hnam damna atana kawng awm nia I hriat:
- Midang atanga bul ṭan tum lovin, mitin hian mahni atangin a tha lam kawngah bul tan theuh ila. Khawi hmunah pawh tuma min hmuh loh naah pawh Pathian duhdanin nung zel ila. Kan hma a tih tur awm te huaisen tak leh taima tak in hmachhawn zel bawk ila, chu chu kan hnam damna tur niin ka hria.



• Hnam chhan nana hmeichhia te tangkaina leh mawhphurhna:
- Hnam, khawtlang siamtu chu a chhung a cheng mipui te hi kan ni. Chu chu chhungkaw hrang hrang in hlawm khawm in a siam a ni bawk. Chu chhungkaw enkawl tur chuan hmeichhiate hian dinhmun pawimawh tak kan chelh a, fate hnen a thiamna leh nundan mawi zirtir te hi kan kutah a awm lian em em a, kan pi leh pute aṭanga ka chhawm zel tlawmngaihna te, huaisennte hi kan in zirtir zel a ngai. Chu chu kan tangkaina tur leh kan mawhphurhna a ni bawk.

• Zirna, Khawtlang leh Kohhran hi:
- Hei hi chu thil kal kawp tur niin  ka hria. Miin zirna chauh a ngaih pawimawh a, Kohhran a a tel loh chuan a khingbai a, khawtlang a in hmang ngailo a nih chuan midangte nun dan a hrethiam lo a,alo hlawhtlin pawhin mi chapo, mi dangte hrethiamlo leh mi hawihhawmlo nih a awl bik.
Lehlam ah zirlai nih chuan in hnam dan tawk thiam a, mi dangte aia kan taihmak pawh angai a ni.


• Khawtlang, Kohhran leh nangmah:
- Zirlai ka la nih avang hian ka tel tam em em lova, amaherawh chu ka phak ang tawk leh ka tih ve theih ang ang ah chuan tlanchhe lovin ke ka pen ve ṭhin.

• Social Media leh nangmah:
- Social Media ah chuan Instagram leh Whatsapp hi ka khawih ve ber a, in thunun tir erawh ka tum ngai lo. A ṭha zawng zel a hman ka tum a, ka zirna leh thil dang dangah pawh ka hmang ṭangkai khawp mai.

• Mizo ṭhalai tam tak te tlakchham:
- Eng kawngah pawh tih tak tak na thinlung leh teirei peihna hi kan tlachham ka ti.

• Mizo ṭhalaite hian ngaihsan tur dik an ngaisangin i hria em?
- Ṭhalaite hi kan fingin kan harh nasa a, kan thiamna leh theihna pawh a sang tawh em em a, ngaihsan tur dik pawh hriain hma nasa takin kan sawn zel niin ka hria.


• Ngaihsan tur dik ni a i hriat:
- A nun a Pathian dah pawimawh mi, eng hna pawh taima tak a thawk a, a nun a dikna leh rinawmna nunpui tlat a, mi dangte leh ama chunga hmangaihna lantir ṭhin mi hi ngaihsan tur chu niin ka hria.

• Hlawhtlinna tura pawimawh:
- Mahni thil tum a chian a, chu chu taimaimakna a umzui a ngai. Midangte’n keimahni ah rinna an neih loh pawhin ka ti ve thei ani ti a mahniin fuih tlat chhungin theih tawp chhuah zel ila chu chu hlawhtlinna kailawn pawimawh tak a ni.

• Hloh I hlauh ber:
- Ka hmangaihte/ka chhungte.

• Zo hnam inpumkhatna hi a thlen theih I ring em:
- Ring tehreng mai. A ṭul hunah chuan ka inpumkhat bawk a, hnam dangin min chimbuai an tum chuan huaisen takin min thlah tute hre rengin kan inpumkhat ṭhin bawk.

• Hnam dang nupui pasal neih hi:
- Kei chuan ka tum lo bur.


- Ka ngaihlu a, a ṭha  zawnga Mizoram hmel tilangtu niin ka hria. Mizote tan chauh pawh ni lovin hnam dang tan pawh a hlu hleiin ka hria. Hma sawn a, kal zel turin duhsakna ka hlan e.

- Amos MS Dawngzuala
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post