MBOCWWB-in ‘Covid-19 Package’ hnuai-ah hripui vanga hnathawktu boralte tan cheng nuai thum pe dawn

Aizawl | June 10, 2021: Mizoram Building & Other Construction Workers’ Welfare Board (MBOCWWB) Secretary chuan vawiin khan thuchhuah siamin, an hnuaia inziaklut hnathawktu harsatna chhawmdawl nan ‘Covid-19 Package’ thar an ruahman thu a tarlang.


Labour Employment Skill Development & Entrepreneurship Department (LESDE) hnuaia Mizoram Building & Other Construction Workers’ Welfare Board (MBOCWWB) chuan Covid -19 hrileng mek avanga hnathawktu in register-te harsatna chhawmdawl nan ‘Covid-19 Package’ thar a ruahman a. Hetiang hian ruahmanna  siam a ni.

1.      Covid-19 hri avanga hnathawktu in register boralte chu an nominee-te hnenah Rs 3,00,000/- pek an ni ang. 
2.      Covid-19 hri kai CCC/CCCC/ZMC etc. a enkawl ngaite chu Medical Benefit bakah Rs 10,000/- chhawmdawlna pek an ni ang. 
3.      Ni 31.3.2021 a MBOCWWB membership valid chin te pawm an ni ang. 
4.      He chhawmdawlna hian April, 2021 hnu lama Covid-19 veite chauh a huam ang. 
5.      He chhawmdawlna dil theite chuan an mahni in Register-na District Registering Officer-te hnenah dilna form a thlawnin lak theih a ni anga, Documents kimchang nen dilna hi thehluh tur ani ang. 
6.      Covid-19 avanga thihna leh damlote chhawmdawlna te hi a pahnih (2) a dil kawp theih a ni lo.


Scan to Donate for this website

Post a Comment

0 Comments