Lungmuat branch YMA in Electric veng tan thlai thar an hlan

Aizawl | June 1, 2021: Nizan khan Lungmuat Brach YMA chaan Electric Veng khawtlang tan  Chawhmeh thlai thar chi 25 zet mai an hlan.


Lungmuat khua te hian Electric Veng tan nimin (31.05.2021 Thawhṭanni) nileng khan khawtlang huap chawhmeh zawnga hnatlangin heng an chawhmeh zawnkhawmte hi Aizawl electric veng tan an hlan a ni.



Chawhmeh te hi 407 Truck Trip 1 hmangin Lungmuat atanga lo phur chhoh a ni a, nizan dar 10 : 30 khan Electric Veng lo thlengin, Electric Veng Local Level Task Force Chairman Pu F.Saichhunga leh Vice Chairman Pu C.Lalnunfela ten lo dawngsawngin EYMA Hall No - 2-ah Lungmuat khawtlang hruaitute nen hian inkawmhona an nei zui nghal a, Electric Veng Local Level Task Force chuan Lungmuat YMA te do let nan Silpauline sawm (10) an hlan a ni.



Chawhmeh thlai thar eng emaw zat Lungmuat khawtlang te hnen aṭanga Electric Veng khawtlang in an dawn te chu :
1.Oil Palm - Tel 406
2.Aidurua - Tel 55
3.Ankasa - Tel 289
4.Sihneh - Tel 79
5.Phuihnam - Tel 345
6.Maian - Tel 237
7.Kharek - Tel 16
8.Sapthei - Tel 1
9.Thingthupui - Tel 138
10.Changkha - Tel 23
11.Bawkbawn - Tel 15
12.Saisu - Tel 558
13.Rawtuai - Tel 13
14.Sawhthing - 15 kgs
15.Rengan - Tel 91
16.Tumbu - Tel 522
17.Hruizik - Tel 3
18.Thurtean - Tel 1
19.Bawkbawn puan - Tel 2
20.Dawlzik - Tel 6
21.Bahkhawr - Tel 400
22.Lambak - Tel 92
23.Bakhate - Tel 55
24.Sanghate rep - Fun 2
25.Maipawl - Pum 2

Chawhmeh an dawn te hi Electric Vengchhunga chhungkaw eng emaw zat hnenah vawiin hian a ṭul ang zela semchhuah tur a ni.



Electric Veng Local Level Task Force te hian khaw dang leh veng dang aṭangin duhsakna thilpek heng khua/veng - Chanmari, Dawrpui Vengthar, Tlangnuam, Saipum leh Sihhmui te aṭangin an dawng tawh a, nizana Lungmuat khua aṭanga duhsakna thilpek an dawng hi Electric Veng Local Level Task Force chuan Lungmuat Branch YMA te chungah thinlung takin lawmthu an sawi thu dawn a ni.















Electric veng:


















 


Post a Comment

He post chungchanga i ngaihdan lo sawi ve rawh:

Previous Post Next Post