Kei chu ka tlâwm e, ka tlâwm chiang ta khawp mai!

- Hriata Zadeng

Kei hi ka mawl a, mawl takin thil ka thlir a, mawl takin ka sawi chhuak a...sawi ve lo tawp tur hi ka ni a sin maw le. In huatthu te ka lo sawi palh a nih chuan ngaihdam ka dil nghal e..in huatthu sawi ka tum lo. Driver tu mah hian Accident an tum lova, mahse an Accident thin si..chu tiang ang chuan in huatthu sawi tum lo mah ila ka lo sawi palh thei...ngaihdam ka dil mawlh mawlh e aw...🙏🙏🙏.




Thlakhat a Sing thum hlawh hian Ni khat ah 1000/- ah hlawh tihna. Sing ruk hlawh chuan Ni khat ah Rs 2000/- . Sing kua hlawh chuan Ni khat ah Rs 3000/-. Nuaih khai sing hnih hlawh phei chuan Ni khat ah Rs 4000/- daih.
Chu tiang zat hlawh pha, Lockdown a vanga hlawh lak theih loh nei eih lovin Nitin a inhlawhna leh eichawp dap te awmdan tur min rel sak a, min han rêp tak tak hi chu...kan sawi ve thi dan chuan, " *Kan mang ang lutuk hian mittui nen kan Pathian kan au thin a sin.."*

Calendar kan en a, kan In luahna neitu te hmel lo lan hun tur kan hre vek a..TV bill, tui bill, Electric bill..adt.. Nang ni min khung bet tute chu in hlawh a ngai reng-in in la ang a, kei ni erawh...

Mut hmun ah naupang riltâm kan kuah khawm a, a tuk khua hi var tawh lo mai se aw...te hi kan ti vawng vawng thin.

Mifing leh mithiam te thurâwn a nih miau a vangin in thu te chu kan zâwm lo thei lova, in lam ah DAN a awm miau si a. Mahse, Patling thinlung a in tuh chu maw...kan fa te thinlung a awm a tan pawh a kan duh loh, " *Mahni Thawh chhuah nilo...TANPUINA* ... a bak beisei tur kan nei ve ta lo..!!
He ti reng reng a he Hripui hi min do pui reng chuan kan tlin loh chin ramri ah min hnuchhiah vat mai anga si...englovin ti teh u...Zoram pum huap a Rorel thei leh thuneitu, mi zawng zawng zawm tur a thu chhuah thei inni bawk a, *Thla khat a Rs Sing ruk khel lova la pha chin leh a Chunglam zawng te thlatin, an thla chanve hlawh hi Public Relive Fund ah chhun luh vek tur* ti ula, chu chuan mipui hi min Relive teh u...a nih loh chuan kan inthlauhna ti zual tur a inkharkhip hi barh-luih kan ang sâwt em mai.

Tun ah te hian min sezawl chhuah tawp pawh ni ula..Engnge kan tih chuan ang..??
Taxi Pu hian Passenger a hmu a ngem?? Sumo ho hian passenger an hmu a ngem..Town &City Bus te paw'n...Dawrkai te paw'n inhralhna tur an hmu dawn a mi...tunge Dawr Chuang ang...pawisa kan nei lo deuh thup tawh si a..
Kharkhip a vanga Dawr hawng theilo te tawrhna te hi a nasa a sin. An pheikhawk zawrh lai engzat nge hmuar chhe tawh ang.. an LEHKHABU, an puanthan leh thuamhnaw hralh tlak loh eng zat nge awm tawh ang...??

 *Tun a kan kal dan ringawt ni lo deuh, kal dan thar han ngaihtuah chhuak dawn teh u...* 
He ti ringawt a kal zel tur chuan...
Kei zawng, he Hripui INDONA Mual ah hian DO ve reng turin ka chakna hian a tlin ve ngang tawh lo a ni e..
 *Ka tlâwm e..ka tlâwm tak zet e...Dâwl zawr-in ka zawr e..*


[Social media kawtthlera kan chhar, a ziaktu zah tak chungin kan dah e.]

Post a Comment

0 Comments