KAN TIH TUR LEH PATHIAN TIH TUR

(Man Side & God Side)

- Frederick Lalrindika 

(Pathian chettheihloh ṭhinna chhan ni a ka hriat ziakin han tarlang ila)

          Tukin zing chu whatsapp ah mi status ka enkual na lam ah sava in a note a chawm lai video hi ka hmufuh a, ka rilru a khawih em em mai a. Kan tih tur leh Pathian tih tur tih thu tawite sawipui lawk che ka duh phah ta a ni. Thil engkim ah hian Pathian ropuina leh nihna hi a in phum vek a lo nih hi (Rom 1:20). Video hi han en hmasa ve mah teh.

Sava note ho kha a bu(nest) ah an awm tlat chuan a pui khan a note tuar lai te, hrehawm ti lai te leh riltam lai te kha a hmu thei tlat lo. An chaw tur a ngaihtuah sak a, a chawm mai a ni. Khang sava no te khan an lo tih ve zawng chu a pui ah khan an awm tlat, a pui pawh kha a no ah a awm tlat bawk a ni.

Lalpa hian engvangin nge a siam che? A mah nen a leng dun tur in, amah a awm tlat tur che in (Mika 6:8, John 15:4). He khawvel pawh hi engvangin nge a siam? Amah nen a in len dunna hmun  tur atan leh engkim mai hi i tan a siam a ni (Gen 3:2).

Ngaihtuah chiang teh, vawiin ni i hmanna chhan diktak chu, amah nen he khawvel ah ngei hian lengdun turin a ni, i duhzawng ti a, chak zawng ti a, i mamawh zawng ringawt zawng a tlan buai mai mai tur i ni lo.

Sum a pawimawh, nawmsakna leh kan hlim ve na te pawh ngaihtuah a pawimawh kan ti a ni maithei; nimahsela heng zawng zawng te hi chu kan mamawh tih a hria (Mat 6:32), kan zawn tur erawh a nilo, a mak i ti em?, heng zawng zawng te hi chu min pek tur zawk a ni. Kan zawn tur leh min pek tur hi a awm hrang a sin *(Man Side & God Side)*. I zawn tur diktak zawng la, A pek tur che a pe thei ang che. A pek tur zawk che kha zawng tawh suh.

*_(Mathaia 6: 33 A ram leh a felna chu zawng hmasa zâwk rawh u; tichuan, chûng zawng zawng chu a pêk belhchhah dâwn che u nia.)_*

Pa atanga chhuak nilo thil tamtak hian a hip dawn che, tisa châkna te, sum leh pai ah hlawk hretna te leh mit chakna te hian, chutiang thil a lo kal hun ah chuan chak in duh ve viau thin mah ila, *“keima thu nilo in nangma thu ni zawk rawh se(Mat 26:39)”*, i tih ngamna zel ah khan nangma thu ah ni tawh lo in Pathian thu ah zawk i lo awm zel tihna a ni a. Chu aia rau chu a awm lo. Chu mi te nun chu an mahni ah nilo in Lalpa â awm tlat te chu an ni a, Lalpa pawh an mahni ah a awm tlat thin. 

Arpui in a no a awp tlat ang hian (Mat 23:37), Lalpa a awm tlat te nun chu hri ṭhalo lak ah a veng hneh em em a, ṭam lo thleng mahse a chawm a, harsatna thlipui kar ah pawh a thla in a hliah khuh tlat ṭhin a, tlakchham reng reng an nei ngai lo a ni (Sam 91:1-10).

Vawiin ah hian sum ah emaw hurna ah emaw awm lo la, hlimna emaw nawmsakna zawng ruai hek suh. I zawn tur dik tak zawk zawng hmasa la, tichuan a pek tur che a pe thei ngei ang che.

I tih tur leh Pathian tih tur hi a awm hrang a, kan tih tur ti ila, a tih tur a ti em em ang. Kan tih tur kan tih loh hian, A tih tur a ti theilo ṭhin a ni. *Kan tih tur diktak chu amah a awm tlat hi a ni.* 

*KEIMAHAH AWM RENG RAWH U, KEI PAWH NANGMAHNIAH KA AWM RENG ANG - JOHANA 15:4.*