Father’s Day puala Beiseina Thawnthu

- Chelsea Fort
Lettu: Vanlalthansanga


Father’s Day chu hmun tinah hman a ni leh ta! Mi tam tak tan chuan he ni hi an pa ropui tak te tana lawm taka hun an hmanna ni a  ni a. Mahse, thenkhat tan chuan mittui ko chhuaktu mai a ni thung. Pate chu an fate tan inhumhimna, hmangaihna, finna leh thildang tam tak thlen thei tu an ni. Mahse, thenkhat pa neilo te chuan, rilru na leh kalsan ni a inhriatna nasa tak an nei thung a ni. Kum 21 mi Ileana-i chu pa tello in hrehawm taka a hun hmangin a thanglian a ni.


Tunge Ileana chu?
Ileana-i chu a nu naupang te a nih laiin Nicaragua ah a piang a. Kum 1 mi chauh a nih laiin a pa chuan an pahnih chuan a kalsan a ni. Ileana-i chu tlawmna, hmangaihna leh Pathian thu hriatna nena enkawl seilen a ni a. Naupang mai a nih lai pawh chuan a pa chanchin hriat a duhna chu a sawichhuak thin a. Amaherawh chu a pi leh pu te chuan chu a zawhna chu an chhan sak ngai lo a ni. Tichuan a pa hming leh khawiah nge a chen tih chu a lo hre ve ta. Tu te naupang pawhin hriat an chak angin, Ileana-i pawh chuan a pa hmuh chu a chak hle a ni.

Ngaidamtu a ni 
A tleirawl chhuah meuh chuan, Ileana-i chu midang tanpuina duhnain a khat a, a bikin Food for the Hungry Nicaragua (riltam te chaw petu pawl) a hlawh nei miah lo a thawh chu a duh a. Kum hnih chhung chu kawng hrang hrangin chu pawl chu a pui a ni. A voluntary hnathawh hmasak ber chu cascade mite hriselna leh zirna chungchang zirtir a ni. A hnuah naupangte a zirtir leh a, chu chuan tanpuina leh chawmna lamah chuan a in hman tir chhunzawm ta bawk a ni. A telna midangte tanpuitu pawl (FH) a mite chuan Ileana-in midangte tanpui duhna rilru leh rang taka a insiamrem mai theihna chu an hmu thiam nghal a ni. Kum 2017-ah chuan FH-ah chuan Facilitator angin a thawk ta a ni. Khawvel hmun hrang hranga FH-a thawk te chuan kartin devotion an hmang thin a ni. Chuta Ileana-i team tena an zir ‘ngaihdamna’ chuan Ileana-i nunah awmzia a nei tlat mai. Chutia a han zir chian leh zual hnu chuan mi pakhat ngaihdam tur nei tlatin a inhria a, chu chu a pa kha a ni.


Pathian thilmak tih Inremlehna chu 
Ni dang ang bawkin Ileana-i chuan naupang ho ten anmahni sponsor-tute lehkhathawn an ziak chu a pui a. Mipa naupang pakhat chuan a lehkhathawn ziak chu pui turin a va pan a. Chutah chuan, chu mipa naupang danglam bik riauna chu a hmuchhuak ta. Chu mipa naupang leh a pa chu an hming tawp lam (last name) a in  anga, an chenna pawh a in ang leh zel a nih chu. Ileana-i chuan naupang chu a pa hming a zawt a. Mak deuh mai chu a pa hming nen chuan a in ang chiah a nih chu. Tichuan a rilru in chu naupang chu a unau ngei ni ah a ngai ta.  Tichuan naupang kutah chuan a hming a ziak a, “Hei hi i pa hmuh la, hetah hian ka awm tih hrilh bawk ang che” tiin a chah zui bawk a ni. A hriat dan chuan, chu naupang awmna leh a pa awmna chu hnai vai tak ni in a hria a ni.

Darkar chanve pawh a la rallo tih ah chuan, Ileana-i rawn zawng pa pakhat a rawn lang ta mai. Chu pa chu hmu tura pawna a chhuah chuan, tunge i zawn a ti a. Chu pa chuan, “Ka fanu” a ti a. Chutah chiah chuan a naupan lai atang tawha a beiseina chu a hlawhtling ta a ni tih a hrethiam ta. “Keimah hi i fanu chu” a lo ti vat a. An han inhmu chiah chu nghet taka an inkuahna leh an mittui chuan kum tam tak an inhmuh tawhlohna leh anmahni daidanna bang chu a thiat chiang hle a ni. Chutah chuan hlim takin, an inngaih zia leh an inhmangaih thu chu an inhrilh mawlh mawlh mai a ni.
Chuti chuan, Ileana-i chuan a pa chhungte lam a tlawha leh apa nupui leh ama unaute zawng chu a hmu a. Boruak tha tak neiin an inbe pawp reng a. Chhungku hung leh zual a nei ta. Pathianin a tawngtaina hria in, a pa nena inremleh tura a beiseina chu a hlawhtling ta bawk a ni.

Kan Van Pathian Rinawmzia
Ileana-i thawnthu ina min hriattthar tir chu i pa nena in inlaichinna chu a hlimawm emaw a harsa emaw engpawh chu lo ni se, engtik lai pawha kan Pa ni reng a awm a ni. Ileana-i nunah ngei pawh hian a piantirh atanga tuna a dinhmun thleng hian Pathian kut ina a hruai dan kan hmu thei a ni. Chu chu kan za vai tan hian a dik a ni. Buaina kan tawh pawhin Pathianah kutah kan tlulut thei a ni. Amahah chuan kan nghing dawn lo a ni tih hriain kan chawl thei a ni. Keimahni avangin a hlim thin a; kan mittui tla te a hria a, kan samzai lam hian a hre fai vek a ni. He Father’s Day ah hian he thudik ah hian mi tin te lung muanga kan innghahngam theihna turin ka tawngtai a ni.


Link:
https://www.fh.org/blog/a-story-of-hope-for-fathers-day/

Post a Comment

0 Comments