Aizawl | June 10, 2021: Vawiin tlai dar 5 thleng khan mi pathumin hripui vangin nunna an chan a, mi 150-in dam takin enkawlna hmun an chhuahsan thung.
Hripui vei dam leh chhuak tate hi Aizawl - 66, Lawngtlai - 55, Kolasib - 13, Lunglei - 9, Siaha - 4, Saitual - 3 te an ni.
 |
| Representational Pic |
Hripui thihpuite hi Remruatdiki (15), Malsawmdawngliani (25) leh Hav.Lalramliana (52) te an ni.
Tun dinhmun-ah Mizoram-ah hri vei hmuhchhuah 14,533 awmin, dam tawh 11,041 an awm a, enkawl lai 3,431 awm mekin, nunna chan 61 an tling tawh a ni.
Vanduaithlak takin Remruatdiki (15), Hlimen chu vawiin June ni 10 chawhnu dar 2:50 khan ZMC ah a boral. Tukin zing kar khan hri a kai tih hriatchhuah niin ZMC ah admit nghal a ni.
Hri a kai tih hriatchhuah a nih hma hian natna khirh tak vei sa a nih avangin damdawi in dangah enkawl a ni a. COVID19 a kai tih hriatchhuah a nih veleh ZMC ah dah nghal a ni.
Vanduaithlak takin Hav.Lalramliana (52), Tuithiang, Aizawl, PTS Staff chu vawiin June ni 10 chawhnu dar 3 khan ZMC ah a boral a. May ni 20 khan hri a kai tih hriatchhuah niin May ni 21 ah ZMC ah admit a ni. Amah hi natna benvawn dang nei sa a ni.
Vanduaithlak takin Malsawmdawngliani (25), Mualkhang Nazareth Veng chu COVID19 vangin tukin June ni 10 zing dar 5 khan ZMC ah a boral. June ni 5 khan hri a kai tih hmuhchhuah a ni a. Amah hi natna benvawn nei sa a ni.
Scan to Donate for this website
Post a Comment
He post chungchanga i ngaihdan lo sawi ve rawh: