COVID-19: Hripui vanga thi hmeichhe pakhat awm; dam tawh mi 97 in enkawlna hmun chhuahsan

Aizawl | June 9, 2021: Vanduaithlak takin vawiin June ni 9, chawhnu dar 3:20 khan Pi Ngunzaliani (37), Phunchawnga khawsa mek chu COVID19 vangin ZMC ah a boral. June ni 7 khan hri a kai tih hmuhchhuah niin hemi ni vek hian ZMC ah admit a ni a. Amah hi rilpui cancer natna nei a ni.

Vawiin tlai dar 5 thleng khan COVID-19 vei enkawlna hmun atangin mi 97 an chhuak. Heng chhuak tate hi Aizawl district atangin 51, Lunglei - 28, Lawngtlai - 13 leh Kolasib - 5 te an ni.

Tun dinhmun-ah hri vei hmuhchhuah tawh zawng zawng hi 14,194 an ni a, dam tawh mi 10,866 niin, enkawl lai mi 3270 leh nunna chan tawh mi 58 an tling tawh a ni.




Representational Pic

Post a Comment

0 Comments