CAU Selesih thawktuten COVID-19 avanga harsatna tawkte puihna an pe

Aizawl | June 9, 2021: College Of Veterinary Science & Animal Husbandry and Krishi Vigyan Kendra, Central Agriculture University, Selesih a thawktute chuan COVID-19 avanga harsatna tawkte puih nan an hlawh thawkhawmin, CM Relief Fund for COVID-19 ah leh farmer te hnenah tanpuina an pe.

CVSc & A.H. & KVK thawktute'n an hlawh thawhkhawm tlingkhawm (Rs.5,26,720) atang hian Rs. 3,50,000/- (Nuai thum sing nga) chu CM's Relief Fund for COVID-19 ah pe in, District pathuma kuthnathawka eizawngte ?anpuina turin Rs. 1,76,720/- (Nuai khat sing sarih sangruk zasarih sawmhnih) man hu thilpek an pe nghal bawk.

Farmer-te hnena tanpuina an pek dan chu hetiang hi a ni:

1. Broiler ar note: Farmer 100 tan 20 theuh

2. Ar note chaw: Farmer 100 tan 20kg theuh

3. Artuiawp keu tur: Farmer 50 tan 18 theuh

4. Mineral mixture/ feed supplement: Farmer 100 tan 1kg theuh

5. Seeds: Farmer 100 tan 22kg theuh

Heng thilpekte hi Dr. Lalnuntluangi Hmar, Dr. Bedanga Konwar, Dr. Saidur Rahman leh Dr. Lalhumliana Tochhawng ten Pu JC Ramthanga, Addl. CS to CM hnenah an hlan a ni.

- DIPR