Chhungkaw lian ber dintu Zion-a ropui takin thlahliam; Chhuanthar Hmun thianghlimah zalh

 Aizawl | June 17, 2021: Chhuanthar hruaitu, Zohnathlak zinga nupui ngah ber leh chhungkaw lian ber dintu Zion-a chu vawiin chawhma khan hmangaih taka a lo enkawl Chhuanthar hmun-ah ropui takin thlah liam a ni a, a ruang hi Chhuanthar Hmun Thianghlimah zalh a ni.


June 13, Pathianni tlai dar 3 a boral, Chhuanthar, Baktawnga an hotupa Zionnghaka (Ziona) chu vawiin June 17, chawhma khan vuiliam a ni.

Video:

A ruang thlahna-ah hian Chhuanthar Military Band Party ten thlahna hun an hmang a, an hman lai hian Hruaitu dahna hnung ah Puithiam leh Upaten an lo dinpui a. School naupang leh Zinghun hmangtu zawng zawng te Chhuanthar Stadium kawng-ah a khat tawkin an intlar vek a, tunlai hrileng laka inven nan Face Mask an vuah vek bawk a ni.


A vuina hun hi vawiin chawhma dar 10:45 khan tan niin, Chhuanthar Run, Chhuanthar Tlangnuam-ah neih a ni a. Chhuanthar Puithiam Engthangpuia'n kaihruaiin, Upa C Lalrinthanga'n tawngtaina hun a hmang a. Chhuanthar Military chairman Nunparliana Chairman, Zinghun Hmangtu Chairman Lalramchuana , Chhuanthar Run nu Sangliani leh Chhuanthar Run nu Malsawmi te'n thu an sawi.

Hemi bakah hian Ziona thianpa Lalchhuana chuan Ziona chanchin a sawi a, Chhuanthar SchoolZirtirtute aiawhin Hmingtharchuanga'n thu sawi bawkim,  Thlamuanna thuchah leh tawngtaina Puithiam Engthangpuia'n hmangin, Chhuanthar Military Band Party te'n hruaitu thlahna hun an hmang a ni.


Kum 76 mi, Ziona ruang hi Chhuanthara 'Hmun thianghlim' an tih ah zalh a ni a, thlan khur pangngai ang a laih a ni lova, thlan in sak niin, chutah chuan zalh a ni.

Khawvela chhungkaw lian ber' dintu an tih thin Ziona hian nupui 39 a nei a. Khawvel hmun hrang hranga thuthar thehdarhtute pawhin tum eng emaw zat an kawm tawh a ni.


 
Ziona hi June ni 13, 2021, Pathianni tlai khan Trinity Hospital, Melthum panpui a ni a, damdawiin thlenpui a nih chuan a lo thi tawh a, damdawiin a chhinchhiah a nih dan chuan tlai dar 3 ah a thi a, kum 76 mi niin, thisen sang leh zunthlum nei a ni.





Khawvela nupui ngah ber leh chhûngkaw lian ber dintu, Chhuanthar Pâwl an tiha an Pa ber Zion-a chu kum 76 mi niin, zun thlum leh thisen sâng vangin, June 13 tlai dâr 3 khân Trinity damdawi inah a boral.


      Khawvelin Zofate min ngaihven chhan pakhat, khawvela Chanchin Thar (News) buaipuitu rintlak ber zinga mi, BBC meuh pawhin an rawn kawm tawh, Ripley's Believe it or not pawhin a rawn ngaihven hial, Pu Zionnghaka hi mi pakhat nih a tling zet mai.


      Pu Zion-a hian nupui 39, fa 94 leh fanu 14, tu 33 bakah chhûngkaw member 181 zet a kalsan a ni. Kum 1942 khân Pu Khuangtuaha chu amah zuitu mi ţhahnem tak nen, Hmawngkawn lalin a khua aţangin a hnawtchhuak a. 
    Tichuan, tuna an chenna Baktawngah hian hmun an khuar ta a ni. Baibul-a kum sang rorêl hi anmahni kaihhruaina hnuaia lo thleng mek nia ngai an ni a. Khuangtuaha hi pathian biakin a hote hian an bia a. Khuangtuaha boral hnu hian, a fapa Chana'n Chhuanthar Pâwl hi enkawl ve lehin, a boral hnuah Zion-a hian hotu nihna a chhawm leh ta a ni.

An veng leh chenna in | Ela

      Zion-a pâwlte entawntlak êm êmna chu, an taimakna leh mahni thawhchhuah ringa an khawsak theihna hi a ni. Ni khata an ei leh in ringawt pawh chhûngkaw pakhat thla khat ei ang vel thuak a ni a. Mi tam tak sawi ang lovin, a nupuite hian anmahni duh thu renga Zion-a hi pasal atâna nei an ni.


 Khawvela chhûngkaw lian ber dintu, khawvel hmaa Mizote min hung langtu, mi tam tak tâna pathian tenau a han boral ta mai hi, a hrilhhai thlak viau a ni. 


Tuin nge Zion-a hmun ruak hi rawn luah ta ang? He Chhuanthar Pâwl hi engtin nge an awm tak zel ang? tih chu zawhna awm hmasa ber a ni.




LALRUAT CHHUANTHARTE HRUAITU PU ZIONNGHAKA
VUINA PROGRAMME

Ahun: 17" June 2021 (Ningani) Dar 10:45 A.M.
Ahmun: Chhuanthar Run, Chhuanthar Tlangnuam
Chairman: Puithiam Engthangpuia
Tawngtaina: Upa C. Lalrinthanga

Thusawi: Pu Nunparliana Chairman, Chhuanthar Military
            Pu Lalramchuana Chairman Zinghun Hmangtu
            Pi Sangliani Chhuanthar Run nu
            Pi Malsawmi Chhuanthar Run nu

Thusawi (Pu Ziona chanchin): Pu Lalchhuana (Pu Ziona thianpa)
Thusawi: Pu Hmingtharchuanga Chhuanthar School
Zirtirtute aiawh
Thlamuanna Thuchah & Tawngtaina: Puithiam Engthangpuia
Hruaitu Thlahna: Chhuanthar Military Band Party

Hriat tur pawimawh te:
1. Chhuanthar Military Band Party ten thlahna hun an hman lai hian Hruaitu dahna hnung ah Puithiam leh Upaten lo dinpui tur a ni.
2. School naupang leh Zinghun hmangtu zawng zawng te Chhuanthar Stadium kawng ah a khat tawk a intlar vek tur a ni a, Face Mask vuah vek tura ni.
3. Vuina a kal tur ten Hmaituamna (Face Mask) vuah vek tur a ni a, Social distancing ngaipawimawh a inkar hlat deuh a thu vek tur a hriattir an ni.

Post a Comment

0 Comments