Govt Mizoram Law College (GMLC) Miss 2021 Lalzarzovi

Govt Mizoram Law College (GMLC) Miss 2021 Zari in tan kan belchiang.


Zari tia koh thin F Lalzarzovi hi F Lalramnghinglova leh R lalhunlawmi te fanu niin, Novembr 10 a piang a ni a, Lunglei Luangmual a awm niin, Unau hmeichhia pahnih leh Mipa pahnih zinga a naupang ber dawttu a ni.

Tunah hian Bawngkawn, Aizawl-ah chengin an khawsa a, Baptist Church of Mizoram a lawi an ni.

Zirna lam:
* Pawl 10 hi Govt. Lunglei High School atang 2014 khan ka pass chhuak a
* Pawl 12 hi Brad Higher Academy atang 2017 ah ka pass chhuak bawk 
* Tunah hian Government Mizoram Law College ah 2nd Semester niin LLB ka zir mek
Hobby: Reading, singing, watching movie ect


i duhzawng leh ngainat zawng hrang hrangte?
Lehkhabu duh: Flawed, Perfect by Cecelia Ahern
Actor/Actress: Depika Padukone
Zaithiam: Bethsy Lalrinsangi
Chawhmeh: Fried potato
Hla : Change - taylor swift
Hmun: Ujayanta Palace
Rawng: White, pink, black, sky blue
Ziaktu: Dr. Hrekima

Mize ngainat zawng: zaidam, kawmnuam, mi in ngaitlawm, leh mi rinawm 

Mize ngainat loh zawng: mi tawngthei leh rinawmlo

Kawppui tura duhzawng? Pathian tih mi, Pathian mi hriat, mi puitling
Relationship status: in a relationship
Aim in life: to become a lawyer for now

College Lady/Miss thlanna a tel chhan?
- Ka classmate ten keimah ah rinna nghata ka nih theih ngei beisei na nena tel tura min beisei na vanga tel ka ni.

College Lady/Miss nih hi i inring reng em?
- Ring lo hranlo😂

College Lady/Miss in I nuna nghawng a neih?
- Mahni in rintawkna min neihtir mai bakah, thil engpawh kan tum chuan theih loh kan nei lo tih min hriatchian tir lehzual!

Modelling lam hi i tui reng em?
- Tui han tih tur chu ka ni lo! 


Zawhna dang:::
1. A tel lova i awm theih loh: Pathian

2. I nun kaihruaitu: Pathian

3. Hringnuna i hlauh ber: mi chapo nih

4. I tih ngai miah loh tur: midang hmuhsit

5. Mizo Tualzal nuna ṭha i tih: mizo te tlawmngaihna hi tha, vul zel rawh se

6.  Quote i duh ber: keima quotes ania, " Life is a precious Gift of God, don't lose it for anything except for God himself ".

7. Mizoram leh Mizo tualzal nuna Mizo hmeichhiate dinhmun: 
- Mizo hmeichhia te hi mipa aia kan hnuaihnun zawk na a awm lo, amaherawhchu hmanlai kan pi leh pute hunlai atang tawh en hniam kan nih thin avangin kan rilru puthmang ah hian hmeichhia hnuaihnung zawka ngaihna hi a awm a, mipa dik tak erawh chuan hmeichhia a hmusit ngailo a a zah zawk thin , chutiang bawkin hmeichhia pawhin mipa an zah anga, in zah tawnna a awm a, in chawimawi tawn dan te kan lo thiam chuan kan mizo hnam hi hnamdang te tan  entawn tlak tak kan la ni ngei ang.


8. Hnam hmingṭhat leh hmingchhiat kawngah Hmeichhiate'n mawhphurhna:
- Hnam hmingchhiat leh hmingthat a hmeichhia te mawhphurhna han tih hian a huam zau thei hle anga, mi tin te hian kan hnam chawisan anih theih na tur leh kan hmingthat na turin a hmei a pa hian in mawhphurhna kan nei a, mizoram chhungah ngei pawh hnam dang in min chiahpiah nasa tawh hle, tin State pawn mai bakah Foreign ah te pawh kan awm nasa tawh hle, khawi hmunah pawh awm ila kan hnam kan zahpui loh a kan chhuan zia te, kan tradition leh kan culture te zahpui lo a kan lantir zel theih chuan , tin kan mizo tlawmngaihna leh huaisena na te a hun ah kan lanchhuahtir theih chuan kan hnam tan hmingthatna alo ni zel dawn ani, tin hnam hmingchhiatna hi thil hote ah pawh ani thei, chuvangin mitin ten kan hnam  hmingchhiat na tur ven hi kan mawhphurhna ani

9. Hnam ziarang chawinun kawnga Hmeichhiate mawhphurna:
- A chunga ka lo sawi tel tawh ang khan kan hnam ziarang te zahpui lo a kan lanchhuahpui ngam, kan chhuan zia te pawh hi lantir ve te atha ka ti


10. Mizote tan 'Fa neih tlem' inzirtir hi a ṭulin i hria em?
- Tul lo. Mizo te hi hnam tlem te chauh kan la ni a, chuvangin a tam thei ang ber fa neih tur, hnam dang in min chimral loh nan 😂


11. Mizo hnam ṭhanmawh bawk nia i hriat?
- eirukna, thatchhiatna, rinawmlohna, hengte hian mizo te nunah nghawng thui tak aneia , hma kan sawn theihlohna lian tak ani, eirukna ka tih hian politician mai nilo, mizo mipui te a hosa tanga rethei ber thleng hian mahni tanghma kan hai avangin diklo taka thil han tih mai hi kan hrehlo tlang vek tih hi ka hmuh ve dan a ni.

12. Mizo hnam damna atana  kawng awm nia i hriatte?
- Damna han tih hian, kan hnam damna tur chuan Pathian kan mamawh, mihring tumna chu Pathian tello chuan engmah lo mai ania, Pathian lak atanga a tih harh tharna ,a tih damna,kan chan chuan, a siamthatna kan chan vek chuan kan hnam chu a dam lohna chhan tur a awm lo.

13. Hnam chhan nana Hmeichhiate ṭangkaina leh mawhphurna?
- hnam dangte aia zirna lam mai bakah eng kawngah pawh hmasawn tura tan kan lak angai, hmeichhia nih vanga tum neilo a ina pasal te rawngbawl tum rigawt tur aniloa, tumna a san leh tlakna a sang an tih ang khan, kan tum san chuan kan tla anih pawh in kan tlakna a sang dawn tho tho, tin hnam dang zuna uai mai lo in, kan mizo mipa te tan kan rinawm tlat a pawimawh.

14. Zirna, Khawtlang leh Kohhran hi?
- Zirna, khawtlang leh, kohhran hi ka ngaihdan ah chuan kalkawp thei ani a, amah erawh chu kan zirna tichhe suh se, tuna kan zir na hian kan hmalam hun a hril dawn ani tih hre reng ila,engkim ah kan zirna dah pawimawh hmasa phawt ila, kan hunawl ah erawh chuan theitawp a khawtlang leh kohhran a in hman hi ka support tlat a ni.

15. Khawtlang, Kohhran leh nangmah:
- Khawtlang leh kohhran a inhmang ngailo chu zirna lamah hlawhtling mahse mi ningkhawng an hrelo a mawlna riau an nei ati thin a ka Pa hian, chuvang chuan keipawh hi ka in hmang vaklo chung hian ka theih ang tawk in mi ningkhawng te hre turin ka in tatlut ve hram hram thin.


16. Social Media leh Nangmah:
- Social media hi tunlai ah chuan kan khawih nasa em em, ig, fb ,whatsapp ect , keipawh hi a khawih nasa pawl chu ka ni ve tho mai, mahse intihbuai tir loh mai bakah, hman dan chintawk te hriat a ngai ve hle.

17. Mizoram ṭhalai tam tak tlakchham: Finna

18. Mizo ṭhalaite hian ngaihsan tur dik an ngaisangin i hria em?
- ngaihsan zawng hi a in anglo khawp mai a, tunlai tleirawl ah chuan k-pop leh C-pop te hi an tla na deuh a, ka sawisel chuanglo keipawn duh deuhte chu ka lo nei ve thin tawh amaheawhchu kan nun, kan zirlai te tichhe khawpin ngaisang lo ila tih hi ka ngaihdan.

19. Ngaihsan tur dik nia i hriat: ngaihsan tur diktak chu, kan nu leh kan pa te, min chawi seilian tute hi, an ni aia ngaihsan tur an awmlo, tin chu mai bakah kan mizo hnam hi in ngaisang tawn ila, kan mizo  thuam te, kan ziaktu thiam tak tak te, kan zaithiam, keimah ni leh keimahni kan in ngaihsan tawn chuan hmasawnna kawng kan pan zel dawn alo ni.


20. Hlawhtlinna tura pawimawh: tumruhna, beidawn lohna, beiseina nung

21. hloh i hlauh ber: keima nun, ka taksa nilo in ka thlarau.

22. Zo hnam inpumkhatna hi a thlen theih i ring em?
- ring e, mizo hi hman hrang hrang awm khawm kan nih hnua mizo tih chauh kan ni a, chung hnamah chuan, hmar, lushei, mara, paite, pawih te kan awm khawm veka mizo tih a koh kan lo ni a,  chuvangin eng hnam mah hi inla hrang lo ila, mizo tih anga kan vaia kan awm chung pawh hian chimral tham lek kan ni tih in hria in kan vaiin tan ila thar leh ang u.

23. Hnam dang nupui pasal neih hi:-
- ka support lo, amaherawhchu hmangaihna diktak a in hmangaiha innei an nih erawh chuan sawibuai theihna tu te mahin kan neiin ka hrelo!

EXPLOREMIZORAM.COM i hmuh dan:
- A tha ka ti, tun aia hma in sawn zel theih nan tan han la sauh sauh zel bawk ula 💪🏻.


Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Post a Comment

0 Comments