Vaccine dose 2,96,503 pechhuak tawh; Vawiin-ah mi 3,580 in vaccine la

Aizawl | May 20, 2021: Mizoram chhungah vawiin thleng khan COVID-19 vaccine dose 2,96,503 pekchhuah tawh a ni a, dose la pum tawh hi 51,956 an ni. hetihlai hian dose khatna chau la pek hi 2,44,547 a ni thung. Vawiin bikah khan dose  3,580 pekchhuah niin, heng zingah hian dose khatna pekchhuah zat chu 3,579 niin, second dose hi mi pakhat pek a ni. 

Zaithiam Maruati Hnamte-in vaccine dose khatna a la

Health Care workers dose khatna pek hi 14,882 awmin, dose hnihna pek tawh hi 11,386 a ni a. Front line workers ah dose khatna hi 30,516 pek tawh niin, dose hnihna hi 17,648 pekchhuah tawh a ni.

Kum 60 chunglam zingah hian 1st dose chauh pek hi 57,895 niin, dose hnihna pek hi 18,290 a ni a. Kum 45 atanga kum 60 inkar-ah hian 1st dose 1,31,778 pek tawh niin, 2nd dose erawh dose 4,632 chauh pek a la ni thung.

Kum 18 atanga kum 44 inkar bikah 1st dose 9,476 pek tawh niin, 2nd dose pekchhuah a la ni lova, Kum 18 leh 44 inkar bik hi mi 9,476 in vaccine an la tawh a tih theih a, 2nd dose la la lo vek an ni thung.

Vawiin bikah khan dose  3,580 pekchhuah niin, heng zingah hian dose khatna pekchhuah zat chu 3,579 niin, second dose hi mi pakhat pek a ni. Vawiina hri danna pek zingah hian health care worker 82, Front line workers 68, kum 14 atanga 44 inkar mi 3,323, kum 45 atanga 60 inkar hi 86 nuiin, KUm 60 chunglam hi 21 an ni thung. Vawiina pek zingah hian mi pakhat tih loh chu 1st dose vek an ni.