Aizawl | May 14, 2021: Siaha khawpuia Covid-19 positive hmuh chhuah, an kaina chin hriat lohte sulhnu chhui hna chu zawh fel a ni tawh a, chung mite nena inhnimhnai zawng zawng pawh khung hran nghal niin, inkaihhruaina dinglai zulzuiin COVID-19 test pawh tih a ni a, an result pawh a tha lam zel a ni.
Chief Medical Officer, Siaha-in ulutuk taka kan dinhmun a zir chianna atangin Contaiment Zone hlih mai a him lohna awma a hriat loh avangin, Shri. Kesavan R, IAS, Siaha District Magistrate chuan The Mizoram Epidemic Diseases (Covid-19) (First Amendment) Regulation, 2020 11(1)(b) tlawhchhanin Siaha khawpui Contaiment Zone-a puanna (vide Order of even No. dated 03.05.2021) chu nimin May 13,2021 khan a hlip a ni.
He thupek chhuah ni atang hian Mizoram sawrkarin inkharkhip bur (Total Lockdown) a puan mek a inkharkhipna (vide Order No. B. 13021/101/2020-DMR/Vol-IV dated 07.05.2021) a kalpui chu Siaha khawpuiah pawh hman tan nghal tur a ni ang.
Post a Comment
He post chungchanga i ngaihdan lo sawi ve rawh: