Saipum-a Bike insu-ah mi pakhatin nunna chan

Aizawl | May 25, 2021: Tukin zing dar 9:30 am vel khan Saipum Tuirial kawng ah BIKE an Insu a, Mi pathum an hliam a, Mi pakhat in nunna a chan.


Hliam tuar te  hi Saikunga S/o Lalruatkima, Lalringmawia S/o Lalrawngbawla Pulamte leh Nuzawni d/o Rokimi te niin,  Tuirial Dispensary ah First Aid pek an ni.

Nunna chan ta hi Lalruatfela S/o Lalringdama Saipum chhimveng nia thu dawn a ni.

Thu buatsaih lai hian Police-in a hmun an pan mek a ni.

Thudawnnain a tarlan danin, Saipum VC kaihhruaina-in Aizawl veng thenkhata thawn turin chawhmeh an zawng a, vawiin-ah pawh chawhmeh zawng hian thalai tam tak an thawkchhuak a.

Chawhmeh zawng tura chhuak thalaite chuan an thiante chhiat tawk an buaipui ta a ni.


Saipum VC chuan, Aizawl veng hrang hrang ah Covid-19 hrikai an pung zela, veng hrang hrang Containment Zone apuan pawh an punzel avangin, Containment area heng Aizawl veng pahnih Electric leh Dinthar veng LLTF te hnen ah tanpuina chawhmeh tur pek nise an ti a.
CHawhmeh pek tur lak khawm dantur ah hian, V/C in, V/C  Hnatlang 25.5.2021(thawhlehni) hian ko in, an khaw ram chhunga CHawhmeh chi awm ang ang dap khawmin,  Chhungtin ten an phal ang tawk leh an remchan dan angin Anhnah tel leh chawhmehchi an neihte Ken khawm/dahkhawm na hmuntur ruahman ah dahkhawm theuh nise, an ti bawk a ni.






Post a Comment

0 Comments