RINGTUTEN MYANMAR MIPUITE AṬANGA KAN ZIR TUR CHU

- Frederick Lalrindika,
Bethel Ministry


      Miss Kyal Sin thihna chuan min khawih hlawm hle mai a, status ah pawh hmuh tur a tam khawp mai. Ropui ka tih leh ka ngaihsan em em na chhan chu kum 19 mi lek ni si kha, a ramah a chiangin a ram tan theihtawp a chhuah ngamna kha a ni a.




Video te ka lo en ve a, thlalak te ka lo hmu ve a, min khawih ve em vang a ni ang e, keimah ah pawh tizawng hian thusawi daih mai a.

Kyal Sin-i leh Myanmar mipui ten tikhawp a an ram tan an bei ngam ang hian; kan khawvelah kan ramah ngei Setanan tikhawp a nasa a min thuhneh leh min awpbeh a tumna lakah hian sual chu do in thisen chhuak khawp hialin kan ṭang ve ngam em tih zawhna lian tak ka nei tlat mai?


Aung San Suu Kyi te party khan inthlan-ah hnehna chiang takin an chang ngei tih an hria a, chuti chung pawha sipai sorkar chuan thuneih leh awpbeh a la tum tlatna chu duh lovin huaisen takin an bei let a ni. Keini pawh KALVARI tlangah Isua Krista khan sual leh a thuneihna zawng zawng ata chu chiang takin hnehna min chansak tawh a, nimahsela tun thlengin sual thuneihna chuan mitin, chhungtin min awpbeh a la tum tlat thung si a.


Engtik niah emaw chuan ti a nghak mai lovin, vawiin ah ngei hian huaisen taka tho chhuakin sual dovin thisen chhuak khawp hial in i ṭang ve ang u hmiang?.


A tawp nan leh zawhna pathum(3)-na atan kan zawh duh che chu - kan nun ah hian sual hi kan do takzet em?.


📖 Hebrai 12:4 "Sual dovin thisen chhuak khawpin in la ṭang lo va"

📖 Jakoba 4:7 "Diabola dodal rawh u, tichuan a tlanbosan ang che u".

Post a Comment

0 Comments