PM Kissan kaltlanga mi retheite account a pawisa thun leh BJP Mizoramin lawmawm ti

Aizawl | May 14, 2021: BJP Mizoram Pradesh chuan thuchhuah siamin, India Ram Prime Minister Pu Narendra Modi kaihhruaina hnuai ah, PM Kisan Scheme kal tlanga mirethei te Account ah pawisa thun ani leh chu lawm awm an tih thu an tarlang.




BJP Mizoram Pradesh chuan, Covid19 hripui leng vang a India ram kan buai mek lai leh, Lockdown vanga Mizoram kan buai lai a, PM Kisan Scheme kal tlanga Huan/Lo neitu te Bank Account ah sum a rawn thun leh tur chu alawm awm kan ti a, tun tumah hian PM Kisan Scheme atan Sorkar laipui chuan Rs 19000 Crores ruahman in, chhungkua 9.5 Crores te Account ah thunsak ani leh dawn a ni.
PM KISAN hi Kum 2019 February 24 ah kalpui tan niin, he hunah hian Rs 1.15 Lakhs Crore chu Farmers Family te account ah thunsak ani a, nikum  December thleng khan 7th Installment pek niin, Farmers Chhungkua te hnenah Rs 18000 Crore pek chhuah ani tawh bawk.

Mizoram bik ah pawh PM Kisan Scheme a in register eichawp zawng leh lo hnathawk tam tak ten he hamthatna hi an dawng leh ngei dawn avangin Lockdown avanga sum thawhchhuah harsat laia, a huntaka PM Kisan Scheme sem ani hi lawm awm kan ti a ni. India ram mirethei te hamthatna kawng hrang hrang duang chhuak tu Prime Minister kan nei hi kan chhuangin kan fak hle a, thu mai nilova, a taka hma la thin India ram hruaitu kan nei hi BJP Mizoram chuan alawm awm kan ti hle a ni, tiin thuchhuah siamin an tarlang.

Post a Comment

0 Comments