NGENTIANG: Pictorial Journey of Ngentiang Village


Serchhip District-a awm Ngentiang khua hi kum 1982 atanga luah tan chauh kha niin, khaw naupang tak mah se changkang tak si a ni. Chhuah chhawng zawnga khamin a chawi khaw thengthaw nuam leh hmun rem tak a ni.


Ngentiang hi Lungpho khua atanga indang niin, Mizoram People's Conference (MPC) sawrkar hun lai khan 'Model Village' atan an duang/ruahman a ni. Tun din hmunah hian in 130 vel a ding a, mihring 600 vel an khawsa mek - VC member pathum an nei. Ngentiang khua hian Mizoram khaw faiber lawmmante pawh an lo dawng tawh bawk.


Zirna lamah sawrkar enkawl Middle School leh Primary shool awmin, hun eng emaw chen English Medium ding mah se tunah hian tawpsan lailawk a ni. 

Primary School

Primary Health Centre (PHC) awmin Quarter pawh paruk lai a awm. Doctor-in a thut chilh bakah, Nurse, Pharmacies, Lab Technician leh 4th Grade ten chhun zanzawmin an vil reng a, khaw thenawmte pawhin an pan ber a ni mek. 

Presbyterian kohhran Biak In

Ngentiang khua leh a chheh velah hian pi leh pu te sulhnu tam tak hmuh tur a awm a, Mizoram hmun hrang hrang atangin kumtin tlawhtu eng emaw zat an awm thin. 

Middle School

Mizorama puk thuk ber leh a dawttu - Tuilutpui (2225 feet), MZP Puk (725 feet) awmna khua a nih avangin adventure Club ten an tlawh nasa a, College hrang hranga zirlaiten an tlawh chamchi bawk.  


KAWLKULH - NGENTIANG TRUCK ROAD PETU
Pu R Tlanghminhgthanga hriatrengna lung

KAWLKULH - NGENTIANG
TRUCK ROAD PETU
Pu R Tlanghminhgthanga
Hon'ble Minister (MNF)
'NGHILHLOH NAN'

'A ngaithiam lo ve Liandingpuii pa'n.
Hei ang vangkhua lampui tlawh loh reng mai chu,
Lampui sialzai a rel e, truck road min hlan ta,
Rum vung khuawl lianpui a kal luai luai.

DUHSAKNA KAN HLAN CHE DAM RENG RAWH

17th Apr 2008   Phuntu Ngentiang Mipui




Hmun pawimawh te : -


1. KHUAI KHAM - feet 500 vela sang, tui khawthla mawi tak tak awmna a ni. 

2. NEIHLAIA LAMLUNG - Lungpui lian em em mai, mi 50 vel chai theihna. Pi pu te chai hla hriat hlawh tak, "Kan khaw Lamlung, Ngentiang tlang; Zuangin hliap e...." tih lo chhuahna.


3. THACHHINGA RAW DAH - Lei atanga feet 80 vela sang, mihring lawn theih lohna hmunah a awm. Kum 100 chuang vel zet kalta atanga awm a nih rin a ni a, tun thlengin tha takin a la awm. 

4. ZAWLMANGI KHUM - A unaupa zawlaidi tah a pal avangin a zunah a uai a, nupui a neih dawn zanah rilruna takin he lai hmunah hian a riak chhuak. 


5. TUILUTPUI - Mizorama puk thuk ber 2,225 feet.


6. MZP PUK - Mizorama puk thuk ber dawttu 725 feet. 

Khuma leh Khara

7. KHUMA - Mizo Kristian hmasa ber KHUMA kha Ngentiang khuaa piang niin, amah hriatrengna lung pawh mawi taka siamin phun a ni a, khawmi ten an zahin an ngaihlu hle.

Mizo kristian hmasa Khuma leh Khara thlan


Helipad
---------


Ngentiang – a village near Serchhip is a home to many caves. Among these caves “MZP Puk” and “Lutpui Puk” are the two famous ones. MZP Puk is 725 feet in depth and is frequently visited by adventure groups from different places.
Lutpui is the deepest cave in Mizoram. It was first fully explored by ALMA YAC – an adventure club from Lunglei, Mizoram in the year 2014. The cave is 2225 feet in depth. Though many adventure clubs have frequently visited this Lutpui cave, only very few are able to explore it fully due to its depth, narrow and rugged nature.


Khuai Kham
Not far from Serchhip town in a village called Ngentiang, a beautiful mountain cliff is found. This mountain cliff is home to wild bees which are very large in numbers. For this reason this mountain cliff is commonly known as “Bees Cliff” meaning “Khuai Kham” in Mizo.


These bees produced large   quantities of honey. The local people use to organize a village wide activity to get this bees and honey which they used for food.
Nowadays, adventure clubs use this mountain cliff for sports and adventure activities and attract large number of visitors.

Mi lu khai






Photo credit - Lawmkima Tlau leh Francis Renthlei




By: Lawmkima Tlau

Post a Comment

0 Comments