NDA atanga chhuak thar Mizo tlangval chhuanawm VL Malsawmzuala

Aizawl | May 30, 2021: Khatla tlangval VL Malsawmzuala s/o VL Zaikima, Lengchhawn Press, Khatla chu National Defence Academy (NDA), Pune atangin nimin 29 May 2021 (Saturday) khan a pass chhuak.


VL Malsawmzuala hi Pu VL Zaikima leh Pi Hmangaihzuali (L) te fa 6 zinga a naupang ber a ni a. KG atanga Class VII thleng GCS, Mission Veng, Aizawlah a kal a. Class VIII atanga Class XII chu Rashtriya Indian Military College, Dehradunah kalin, Class XII a zawh hian UPSC buatsaih NDA & NA Examinationah tlingin, NDA ah hian kum 3 chhung graduation course training hautak tak paltlangin nimin khan hlawhtling takin a pass chhuak ta a ni.


VL Malsawmzuala hian Indian Navy a zawm dawn a. NDA atanga an chhuah veleh hian Indian Naval Academy, Kerala ah a zawm nghal ang a. Kum khat dang training a neih leh hnuah Commissioned Officer niin Indian Navy Officer a ni tawh dawn a ni. An training lai hian Divisional Cadet Captain a ni phak a, Best Helmsman in Yachting Award a dawng bawk niin CM Zoramthanga Instagram account chuan a tarlang.

Post a Comment

He post chungchanga i ngaihdan lo sawi ve rawh:

Previous Post Next Post