Aizawl | May 30, 2021: Nimin khan Aizawl district chhungah COVID-19 hri danna atana sawrkar dan siam "Mizoram (Containment and Prevention of COVID-19) Act, 2020" bawhchhia mi 29 man niin, an pawisa chawi tlingkhawm chu Rs. 5,600/- a ni.
Sawrkar thuchhuahin a tarlan danin, Pawisa chawi tir tawh zawng zawng zat hi Rs. 5,29,090/- a ni.
Nimin a dan bawhchhia man te hi hmai tuamna (mask) vuah lo, SOP zawm lo leh vantlang hmuna chil chhak an ni.
Sawrkar thuchhuahin a tarlan danin, Dan bawhchhiate hi AMC area veng 13 - Durtlang Leitan, Chaltlang, Ramhlun Vengthar, Ramthar, Armed Veng South, Dawrpui, Tuikual North, Khatla South, Bungkawn, Bethlehem Vengthlang, Tuikhuahtlang, ITI leh Saikhamakawn ah man an ni.
Nimin vek khan Tuivamit leh Bungkawn Containment Zone a awm dan bawhchhia mi 6 man niin, dan hnuaia an pawisa chawi zat hi Rs. 440 a ni a. Containment Zone atanga chhuak ru, social distancing zawm lo leh mask vuah lo an ni.
(Sawrkar thuchhuah-a a lan dan hian Tuivamit hi AMC area-a vengah an chhiar tel lo a ni mai thei.)
Post a Comment
He post chungchanga i ngaihdan lo sawi ve rawh: