Mizo nula Lalbuatsaihi Asian Boxing Championship 2021 final lut

Aizawl | May 28, 2021: Mizo nula Lalbuatsaihi chu Asian Boxing Championship 2021 neih mekah zanin khan Kuwait nula nen inhnekin final a lut.


Lalbuatsaihi khelna hi Womens Light Welter (60-64kg) niin, Blue corner niin,  Kuwait  hmeichhia Noura Almutairi a hmachhawn.



Dubai, UAE a May 24-31 a Asian Boxing championship khelh mekah Aizawl Tuithiang Veng nula Lalbuatsaihi chuan India ai a awhin, Asian Boxing championship 64kg huangah a inlan. 

He intihsiak-ah hian ram 17 atangin Boxer 160 an inlan a, ram lian heng India, Uzbekistan,  Philippines leh Kazakhstan te an tel a ni.

Match dang en duh tan AIBA Youtube channel: https://www.youtube.com/channel/UCBdXQS3czTQsr_f_F5TZpww ah hian en a, live kha en mai tur a ni.

BS-i hi Sashastra Seema Bal (SSB) Delhi a thawk lai mek niin, World Police & Fire Games 2019-ah pawh Gold medal lo hnek chhuak tawhtu kha niin Mizo nula chhuanawm te zinga mi a ni.


International Boxing Association chuan a vawikhatna atan lawmman atana fund a puang a, a vaiin $400,000 niin, Gold medalist hnenah $10,000 hlan a ni ang a, silver medallist hnenah $5,000 niin, brone medalist-in $2,500 an dawng thung ang.
He Tourney hi India a nghah tura ruahman ni mahse, hripui vangin Dubai-ah sawn a ni.

Bs-i ruala India aiawhtu India squad te;
Indian squad: (Men): Vinod Tanwar (49kg), Amit Panghal (52kg), Mohammad Hussamuddin (56kg), Varinder Singh (60kg), Shiva Thapa (64kg), Vikas Krishan (69kg), Ashish Kumar (75kg), Sumit Sangwan (81kg), Sanjeet (91kg) and Narender (+91kg).

(Women): Monika (48kg), MC Mary Kom (51kg), Sakshi (54kg), Jasmine (57kg), Simranjeet Kaur (60kg), Lalbuatsaihi (64kg), Lovlina Borgohain (69kg), Pooja Rani (75kg), Saweety (81kg) and Anupama (+81kg)


(Lawmman chungchang: India pawisa-in US dollar 1 hi cheng 72 vel a ni a, Gold medalist hian cheng 7,20,000 vel an dawng ang a, Silver hian 3,60,000 vel niin, Bronze hian 1,80,000 bawr vel an dawng dawn a ni.)



2019 a medal a lak tawh chungchang news kimchang HETAH hian dah a ni.

Post a Comment

1 Comments

He post chungchanga i ngaihdan lo sawi ve rawh: