- Amos MS Dawngzuala
Aizawl | May 14, 2021: Miss Universe vawi 69-na thlanna Florida khawpui Miami a neih mek kalzelah Tukin zing May 14, India Sana a dar 5:30am a National Costume Show neih zawh takah khan Miss Myanmar Thuzar Wint Lwin chuan Lai thuam famkim inbelin a inlan.
Miss Myanmar Thuzar hi an ram Miss Myanmar thlannaah khan Hakha, Chin State aiawh tu niin an ram a National Costume Competition ah pawh he Lai Thuam mawi tak hi a lo inbel tawh a, Miss Universe ah erawh hi chuan Myanmar pumpui hnam nunphung tarlang thei hak tum mahse a suitcase hi airport lam chian loh vangin a tangkhang a, chu vangin Atlanta, Georgia a Chin Community te'n he thuam hi National Costume Show-a a hak atan an rawn pe a ni.
Thuzar Wint Lwin hi Zonu chhulchhuak niin Rangoon khawpui ah a seilian a, tuna a thuam inbel hi Miss Mizoran 2020 thlanna ah pawh khan Miss Mizoram Lawngtlai B. Lalthuthlungthari pawhin a lo inbel ve tawh bawk a ni.
Thuzar Wint Lwin hak atana Miss Myanmar lamin an buatsaih diktak hi Pyit-Tine-Htoung tih a ni a, hei hi notelem niin Mizo ṭawng chuan "vawm hnuah pawh a la ding reng" tihna a ni a, hetiang notelem hi eng tiang pawhin sawp mah ila a dik zawngin a ding leh zel a, chumi chuan tuna Myanmar mipui te'n harsatna an tawh mek hi tarlangin, eng ang harsatna pawh tawk se an ding leh zel dawn a ni tih lantirna tur a ni.
Rokhawlhna an tawk hi a pawi viau nachungin, hetiang a Lai thuam mawi tak khawvel a Miss thlanna pui ber a kan hmuh phah erawh Zofa te tan chuan a ropuiin a chhinchhiah tlak em em a ni.
A video instagram a en turin hetah hian hmet rawh le
Keichu miZo lai thuam aha tih ka hmuh khan ka lo lom viau lo,a chhan chu amah khi myanmar represent tu ani si aa,hnam thuam chu a neitu a hnam mipuite ngeiin hase ka lung dam zawk tlata,harsatna tawh ka hriat thiampui viau na chungin,hman kum ah poh khan myanmar thoin asia model festival-traditional dress ah khan puanchei hmang in an ron perform toh aa,zong chhang chi vak in lang ka tilo tlat mai.......ngaih dan molmang ani em tih erawh ka hrelo.......
ReplyDeletePost a Comment
He post chungchanga i ngaihdan lo sawi ve rawh: