Aizawl | May 13, 2021: Vawiin chawhma khan Food, Civil Supplies & Consumer Affairs Department Minister Pu K. Lalrinliana, Kolasib bialtu MLA ni bawk chuan a bial chhunga Covid kaihhnawiha a ṭul apianga an hman atan Sumo pahnih Joint VC Kolasib leh Bairabi te hnenah a hlan.
Sumo hlanna hun hi Pu Lalzawmmawia, Venglai East, Kolasib chuan a kaihruai a, Kolasib Town Joint VC Vice Chairman Pu C. Roṭhuamluaia leh Bairabi Joint VC Chairman Pu R. Lalfakawma te kutah chahbi hi hlan a ni.
Heng Sumo pahnih te hi Kolasib leh Bairabi tana ruahman a ni a, diesel man atan ₹ 10,000/- ve ve hlan an nih bakah driver hlawh tur pawh Kolasib bialtu MLA Pu K. Lalrinliana hian a tum vek tur thu Pu Lalzawmmawia hian a sawi a ni. Heng Sumo te hi Covid 19 hri len tam zual laia Kolasib khaw chhunga test ngaite phurh nan te, Positive-te CCC panpui nan te leh VC-ten tul an tihna apianga tangkai taka hman tur a Supply Minister-in a ruahmansak a ni.
Post a Comment
He post chungchanga i ngaihdan lo sawi ve rawh: