Medical Operational Team (MOT) in CCC tlawh

Aizawl | May 18, 2021: Medical Operational Team (MOT) chuan vawiin khan an Chairman Dr ZR Thiamsanga hovin Aizawla CCC thenkhat - SAI Hostel, Mission Vengthlang; Tribal Art Centre, Tanhril; JCTC, Chawlhhmun leh MLA Hostel CCC te an tlawh a. Thawktute leh damlo awm mekten harsatna an neih leh neih lohte an enfiah bakah damdawi leh thawktute thingpui inna tur an pe a ni.


Vawiin vek hian MOT chuan Lengpui Airport Screening point an tlawh bawk a. Tum dangah BSUP, Durtlang; ITI leh Forest Training Centre, Bethlehem a CCC te an lo tlawh tawh bawk a ni.
MOT hian internet video call kaltlangin Borkolok, Lawngtlai district a COVID-19 positive enkawl mekte an bia a, an dinhmun endikin inenkawl zel dan turte an ruahmanpui a,  CCC hrang hrang an tlawhnaah hian hri kai enkawl mekten sawrkarin a buaipui danah leh a enkawl danah an lungawi thu lo sawiin lawmthu an lo hrilh a ni.

Post a Comment

0 Comments