Dr R Lalthangliana'n a Bial chhunga VLTF leh PHC te Tanpui

Aizawl | May 18, 2021: South Tuipui bialtu MLA leh Health Minister ni bawk Dr.R.Lalthangliana chuan vawiin khan a bial chhunga VLTF hrang hrang 22 te hnenah Face Mask, Sanitizer leh Glove thahnem tak a hlan theuh bakah Thingsai, Cherhlun leh S.Vanlaiphai PHC-te tan Rs.10,000 theuh a hlan bawk.




Heng hmanrua leh pawisa te hi Minister chuan a aiawh tirin vawiin khan Hnahthialah phurh phei niin District Hospital kawt tualah pek chhuah a ni a. Covid-19 vanga South Tuipui bial mipuite thawhrimna chu lawmawm a tih thu bialtu MLA Dr R Lalthangliana chuan VLTF leh bial mipuite chu theihtawp chhuah zela fimkhurna tlachham lo turin a chah a, Covid-19 hrileng darh chak tak lakah mipuite himna tura Total lockdown kalpui a ngaih si avangin ei leh bar dap kawngah a bial mipuite chu a hriatreng thu sawiin Minister chuan "chhuanchham leh harsa zual kan awm a nih chuan VLTF kaltlangin inthlahrung lova min hrilhhriat zel ka beisei a, theih ang angin kan tangho zel dawn nia" tiin mipute a chah bawk a ni.

Dr R. Lalthangliana hian kar hmasa pawh khan a bial chhung bakah Hnahthial District-a VLTF zawng zawngte hnenah Rs.5000 theuh an intuamhlawm nan alo pe tawh bawk a ni.

Post a Comment

0 Comments