Government J Buana College Miss 2020-2021 Lawmi Chhangte

Government J Buana College Miss 2020-2021 C Lallawmzuali in tan kan rawn chhawp chhuak e.


Lawmi Chhangte tia hriat hlawh Government J Buana College Miss 2020-2021 C Lallawmzuali hi C Kaphleia leh B Lalhmunsiami te fanu niin, March 11, 2001 khan a lo piang a, Tarpho khuaa awm niin, tunah hian Lunglei Chanmari-ah zirna vangin a awm mek.

Lawmi Chhangte  hi unau pathum zinga upa ber niin, nuta pakhat an nei a ni. Kohhran lamah chuan Baptist Church of Mizoram (BCM) a lawi an ni.



Zawhna hrang hrang a chhanna te hi lo bihchiang ve rawh le

Hobby: zai hi ka ngaina a, nuam ka ti bawk.

Zirna lam:
* Pawl 10:
- Tarpho High School atangin 2016 khan ka pass a.

* Pawl 12:
- Govt Hnahthial Higher Secondary School, Hnahthial atangin 2018 khan ka pass.

* Tuna zir mek: JB College-ah B.A (economics) 6th semester ka zir mek!


I duhzawng leh ngainat zawng hrang hrangte?
Lehkhabu duh: A bik a duh hi ka nei lova, mahni chanchin ziahna lampang (autobiography) hi chhiar nuam ka ti.
Actor/Actress: Lee Jong suk leh Lily Collins
Zaithiam: Taylor Swift leh Ed Sheeran
Chawhmeh: Alu leh Artui
Hla : Thinking out loud
Hmun:Lui awmna leh hmun reh 
Rawng: Blue
Ziaktu: KC Lalvunga


Mize ngainat zawng: Thup nei lem lo, phakar lo leh dawtsawi ching lo, mahni nihna anga lang thin!

Mize ngainat loh zawng: Dawt sawi Ching leh phakar, thiante er ran leh mahni thutiam a ding lo.

Kawppui tura duhzawng?
- Pathian tih mi, ruihtheih thil ti lo, mahni tum a chiang leh min hmangaih em em tu!

Relationship status: Single
(Tlangval lam tan ............)

Aim in life: Bank Manager/missionary


JB College Miss 2021 thlanna a tel chhan?
A tir ah chuan tel pawh ka tum lem lova mahse tel tur a min lo ruat ve a vang khan ka tel ve tawp mai

JB College Miss nih hi i inring reng em?
- Ring em em lo!

JB College Miss in I nuna nghawng a neih??
Beidawng lova beih a pawimawh zia ka hre thar a, ka nun uluk leh zual a pawimawh zia leh zirna lam ah pawh tan lak nasat zual tir tu ani a,inrintawk na ka neih tam phah bawk.

Modelling lam hi i tui reng em?
- Ka tan kawng inhawng chu nise, Ka tui ve khawp mai!

Zawhna dang:::
1. A tel lova i awm theih loh: Holy Bible leh Mobile Phone

2. I nun kaihruaitu: Ka nu leh pa te thu min hrilh leh Pathian thu

3. Hringnuna i hlauh ber: Ka nih tum nih theih loh

4. I tih ngai miah loh tur: Ruihtheih thil

5. Mizo Tualzal nuna ṭha i tih:
- Tlawmngaihna, rinawmna, leh khawtlang kan inrelbawl dan

6.  Quote i duh ber:
I awm dàn tûr chu Lalpa chung ah nghat la; Amah chu ring la, Amàn a ti vek ang.

7. Mizoram leh Mizo tualzal nuna Mizo hmeichhiate dinhmun:
- Hman lai chuan kan hmeichhiate dinhmun hi a chhe em em a hmeithai te phei chuan hmuhsit an hlawh em em a mahse tunlai kan mizo hmeichhia te chu kan dinhmun a tha in indah hniam leh hmuhsit kan tawk tlem a, hmeichhia hna sang leh dinhmun tha tak tak kan tam tawh em em a chutih rual in hmasawnna tur leh tunai a tuarchhel leh tumruhna nasa zawk kan mamawh in ka hria.


8. Hnam hmingṭhat leh hmingchhiat kawngah Hmeichhiate mawhphurhna:
- Kan hnam hmingthatna tur in kan hnam culture ngaihsanna neih a kan tu leh fate pawh in kan hnam nunphung heng incheina,inchhungkhur enkawl fel te, aia upa zah te, tlawmngaihna etc, an chawinun theih nan a zirtir hi hmeichhiate mawhphurhna ani a. Mahni hnam zia leh kan mizo puite aia hnam dang mi leh an nunphung an incheina kan ngaihsan zawk a,hnamdang tih dan kan entawn hian hnam kan ti hmingchhia a ni.

9. Hnam ziarang chawinun kawnga Hmeichhiate mawhphurna:
- A hmasa ber ah chuan kan incheina hi ani a,kan mizo culture mil a kan inchei te hi a pawimawh a, nuten kan fate hnen ah kan mizo nunphung zirtir hi kan mawhphurh na a ni.

10. Mizote tan 'Fa neih tlem' inzirtir hi a ṭulin i hria em?
- Mizo te tan chuan "Fa neih tlem" in zirtir hi tul ka la tilova, amaherawh chu, kan tlin loh leh kan phak lo chung chung a fa neih teuh hi chu tha ka ti lo. Kan dinhmun a zir a fa neih kan thiam theih nan in irtir zawk ila a tha ka ti.

11. Mizo hnam ṭhanmawh bawk nia i hriat?
- Kan thil tum ah kan chiang tawk lo niin ka hria a, teirei peihna kan nei lo leh mi dik leh thil dik kan tan ngam loh na te, mahni tha kan inti lutuk a midang thil tha tih kan inhmuhsak thei lo hi niin ka hria.




12. Mizo hnam damna atana  kawng awm nia i hriatte?
Mi tin hian kan phak tawk theuh ah dikna leh rinawmna vawnnun tlat.

13. Hnam chhan nana Hmeichhiate ṭangkaina leh mawhphurna?
Kan hnam culture vawn nun, kan tu leh faten mizo culture vawnnun zel theih nan a zirtir hi hmeichhiate mawhphurhna a ni.

14. Zirna, Khawtlang leh Kohhran hi?
- Zirna, khawtlang leh Kohhran hi thil kalkawp tlat a ni a, khawtlang leh Kohhran thlahthlam hi a tha ka ti lova, kan phak ang tawk tawk a tel ve hi a tha ka tia a,  amaherawhchu, zirlai kan la nih chhung chuan a zawng zawng leh activities zawng zawng a inrawlh vek hi a tul ber lovin ka hria.

15. Khawtlang, Kohhran leh nangmah:
Mahni khua a awm kan nih loh avang hian in hman vak theih hi anilova mahse khua a kan hawn lai te chuan ka phak ang tawk chuan ka in hmang ve a, Kohhran ah pawh hian ka damtha anih hi chuan inkhawm hi ka thulh ngai lova, a dang ah pawh ka theih ang tawk tawk in ka inhmang ve thin.

16. Social Media leh Nangmah:
- Social media hi ka khawih nasa ve thova, mahse, ka zirna leh nundan tibuai tur chuan ka khawih lo.


17. Mizoram ṭhalai tam tak tlakchham:
- 1. Thuawihna hi mizo thalaite tam tak te hian kan tlachham a, nu leh pa, aia upaten thu tha an hrilh an awih duh loh avanga an nun kalsual an tam phah a ni.
2. Teirei peihna tlachham an tam avang in zirna leh eizawnna kawngah hlawhchham an tam phah.
3. Insumtheihna tlachham an tam avang in mizo thalaite'n mipat hmeichhiatna an hmang dik lova sawn leh fahrah an tam phah a, ruihtheih thil ah pawh an insumtheihloh a vang in addict leh HIV positive pawh an tam phah a ni.

18. Mizo ṭhalaite hian ngaihsan tur dik an ngaisangin i hria em?
Kan ngaihsan tam zawk te hi chu a dik ka ti a. Amaherawhchu, kan mi ngaihsan te hi kan ngaisang mawl tawp a ngaihsanna lai tur tak; an tumruhna, hlawhtling tura an beihna te entawn loin an style leh dress tih vel kan entawn daih zel hi a fuh lo ka ti!

19. Ngaihsan tur dik nia i hriat:
- Eng hna thawk pawh ni se a hnathawh ah dik tak leh rinawm tak a thawk te hi mi ngaihsan tur dik niin ka hria.

20. Hlawhtlinna tura pawimawh:
- Teirei peih,hun vawn dik, nu leh pa te thuawih

21. hloh i hlauh ber:
- Ka chhung te leh ka thian te chan

22. Zo hnam inpumkhatna hi a thlen theih i ring em?
Ring e, kan tum tak tak chuan!


23. Hnam dang nupui pasal neih hi:
- Hmangaihna te hi chu tu chung-ah pawh a thleng thei vek a, hnam dang an nih avang a hmangaih loh ngawt kha a theih kher lova, amaherawhchu, Mizo hmeichhia/mipa kan nih chuan kan hnam mi ngei nupui/pasal a neih hi tha ka ti a, kan hnam hi kan inhumhalh a kan inven that loh chuan hnam dang ten min chimral mai hi a hlauhawm a, kan hnam-ah kan chian a hnam hmangaihna tak tak rilru kan put hi a pawimawh hle in ka hria.

EXPLOREMIZORAM.COM i hmuh dan:
- Mizo ten mahni tawng ngei a news hrang hrang kan hre thei leh kan chhiar thei hi hmasawnna ropui tak niin ka hria a, kan la hmuh ngai loh Mizoram hmun hrang hrang te kan lo hmu a, Explore Mizoram te hian hna tha tak in thawkin ka hria a, in hmalam hun in kal zel na tur ah pawh duhsakna sang ber ka hlan bawk che u.







Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

1 Comments

He post chungchanga i ngaihdan lo sawi ve rawh: