LADC nominated member pali lalut

Aizawl | May 7, 2021: Lai autonomous district council-a nominated member pali - H. Lalramfawna; Lalthanmawia Colney Lawngtlai; C. Biakthansangi leh Z. Ngunchhini te chu vawiin khan LADC chairman V. Zirsanga'n rinawmna thu tiamtirin a lalut.

(L to R) Lalthanmawia Colney,C.Biakthansangi, Z.Ngunchhini & H.Lalramfawna


Pu Lianchungnunga Secretary, Lai Autonomous District Council chuan Nominated MDC te lakluhna inkhawm hi a kaihruai a. Mizoram Governor in Lai Autonomous District Council a CEM Pu Manghmunga Chinzah in Nominated member pali a dilna an pawmna chu a chhiar chhuak a. Hemi hnu hian LADC in nominated member pali te rinawmna thutiam tir tura an kohna a chhiar chhuak leh nghal a. Hemi hnu hian Nominated member pali te chu LADC Chairman  Pu V.Zirsanga chuan rinawmna thu tiamtir in MDC atan a la lut ta a ni.

Tun dinhmun ah hian Lai Autonomous District Council ah hian Elected member 25 leh Nominated member pali awmin MDC 29 an awm ta a ni.


Chief Executive Member Pu Manghmunga Chinzah chuan, nominated member pali te chu ram leh Hnam tana an thiamna leh finna theihtawp chhuah a hmang turin a ngen a. Nominated member pathum ni thin chu pali anih theihna tur kan zawnna kawngah mi tam takin CEM leh Chief Minister te inhmu thiam lova, an inkar ah boruak tha lo awm ang a an sawi chu, thudik lo ani, a ti a. Nominated member kan ruatna kawngah hian Chief Minister nen engmah kan inkarah buaina leh harsatna awm lovin member pali kan nei thei ani, a ti bawk.


Nominated member pali an lakluh te chu 
1. H.Lalramfawna S/o Ngulvunga of AOC, Veng
2. Lalthanmawia Colney S/o Lalramliana Colney, Lawngtlai-III
3. C.Biakthansangi D/o C.Lalzarliana (L) New Vengpui
4. Z.Ngunchhini D/o Tialhleia (L) of Lawngtlai Council Veng

Vawiin lakluhna inkhawm ah hian hripui leng avangin inkhuahkhirhna a siam tha taka zawm chungin MDC thar te lakluhna inkhawm hi buatsaih a ni a. He hunah hian LADC a Executive Member te, MDC te,MDC atana lakluh chhungte bakah Political party hruaitu sawmbik Pu Lalramliana Colney,President MNF District Hqrs Lawngtlai leh Pu J.Ropianga Lai DCC President te pawh an tel a ni.

Post a Comment

He post chungchanga i ngaihdan lo sawi ve rawh:

Previous Post Next Post