Kawtkai Library - Hnamte Bookpie!

Aizawl | May 1, 2021: Sapho chuan nise, 'Walking Library' an han ti ang a, nalh leh mawi kan tih leh em em tur 'LIBRARY KAL THEI' emaw 'Kawtkai library' tia kan sawi mai, Man chawia lehkhabu hawh theihna - 'Hnamte Bookpie' hi i lo bihchiang dawn teh ang.


'Hnamte Bookpie' hi library kal thei tia ka sawi chhan chu lehkhabu hawh duh i neih kha i inah, i kawtkaiah an rawn dah thei a, an rawn lam leh thlap theih vang a ni.


A din tunu nula Lalhruaitluangi Hnamte ( Hruaii Hnamtehian a hnam hming chawia a din a ni a, "Mi dangte tana malsawmna a nih ngei beisei chungin January 1, 2021 atang khan he library(lehkhabu hawh theihna) hi bul ka แนญan." a ti a.

A library din chhan zawhna chhangin Hruaii Hnamte chuan, "Lehkhabu hawh theiha ka siam chhan chu mi harsa tak tak lehkhabu chhiar chak  ve si, a leina tur nei si lo te'/ sum tak tak senga lei kher ngai lova lehkhabu an lo chhiar ve theih nan a ni a, kawng khat tala midangte tana malsawmna ka lo nih ve theih takin tiin ka buaipui ta  ani." a ti.

"Thil chu a thlawn tawpin a theih bik lova, hun leh tha a hek ve avangin ka buaipui hah man atan cheng 50 lek la in ka ti a." a ti.


A tir chuan lehkhabu a nei tam em em bik lova Hruaii Hnamte chuan, "ka lehkhabu neih sa tlem te hmangin bul ka tan ve rawih," a ti a. Inthlahrung takin, "mi dangte thinlungah engti angin nge hna a thawk ang chu hrelo mah ila, hlawkpui te an awm takin tiin ka neih ang ang in ka han la khawm ve a, ka pawisa neih ang angin lehkhabu thar pawh ka lei ve zel a ni" a ti bawk.

A kalphung:
Kar khat(1) zel hawh theih niin hawh man hi kar khatah cheng 50 a ni a. Thawhtanni atanga Inrinni thleng lehkhabu hi a hawh theih. Tin, la chhiar zo hman lo, renew duh tan ni khat ah cheng 10 zel a chhiar leh a ni.
Hawh hun tawp hnuah renew si lova pekluh/peklet tlai chuan tlai man 'Late fee' ah cheng 50 chawi a ngai bawk!
Lehkhabu hawh te hi uluk taka hawh turin a hawhtute an beisei a, i lo tibo palh emaw i lo tichhe palh emaw anih chuan lehkhabu chhe ta ang kha a thar i lei leh a ngai thung!



A dintunu:
A dintunu Lalhruaitluangi Hnamte, Hruaii Hnamte hi Pachhunga University College zirlai niin, B.A Education a zir mek a, Students Union leader a ni a, Cultural secretary dinhmun a chelh mek bawk a ni.







Post a Comment

6 Comments

  1. A แนญha ka ti kher mai. A titu nu hian remchang a hria in a ngaihtuah แนญha tak zet. A kal leh zel na turah ka duhsakna sang ber ka hlan e

    ReplyDelete
  2. Hruaii, ka แนญhiannu, SU Leaders-a ka thawhpui ni bawk; ka chhuang tak zet che a ni.

    ReplyDelete
  3. ๐Ÿ‘๐Ÿ‘a tha hle mai๐Ÿ˜Š

    ReplyDelete
  4. I va han tiแนญha tak em!. Pathianin a let tam takin malsawm che rawh se. My girl,,, han ti ila chu, tu emaw chuan a thรฎk awm. ๐Ÿ˜‚๐Ÿ˜‚. Btw, ๐Ÿ™๐Ÿ™๐Ÿ‘๐Ÿ‘

    ReplyDelete
  5. Brava.... ๐Ÿ‘๐Ÿ‘๐Ÿ‘๐Ÿ‘๐Ÿ˜Œ Salute

    ReplyDelete

He post chungchanga i ngaihdan lo sawi ve rawh: