Aizawl | May 1, 2021: Vawiin khan Tlabung khuaa missionary kai chheh vela cheng, mi 17 COVID-19 positive hmuhchhuah an ni a, Missionary kai leh a chhehvel, Bazar shed thleng chu fimkhur thuhla-ah tlawhpawh khap nghal a ni.
Thudawnnain a tarlan danin, Tlabung khuaa hnamdang mi pangate chu covid 19 hri an kai tih hmuhchhuah a ni a, heng hri kai hmuhchhuahte hi tunhanaih an zin chhuak lo a, khawi atangin nge hri an kai tih hriat mai theih a ni lo!
Missionary kai chheh vela cheng hnamdang pakhat chu hun engemaw chen nuam sam lo in, in lamah a in enkawl. Vawiin khan Tlabung Damdawiinah in entirin rinhlelh thil thuah covid 19 hri a kai leh kai loh Rapid Antigen Test hmanga endik niin hri a kai tih hmuhchhuah a ni ta a ni. Hetianga hri a kai tih hmuhchhuah a nih hnu hian a hnim hnaih mi thenkhatte chu hri an kai leh kai loh endik zui nghal an ni a, chanchinthar buatsaih lai thleng hian test kalpui chhunzawm zel niin tlaiah khan mi 5 te chuan hri an kai tih hmuhchhuah tawh a ni.
• Vawiin dar 11:00 Am khan Tlabungah positive pakhat hmuh a ni a, chhui nghal.
• Dar 6:51pm khan positive 15 lai an hmu chhuak.
• Dar 8 vela thu kan dawn danin, 15 atangin 17 ah an kai leh ta a. Test erawh tihtawp rih a ni.
Mipui vantlangah a darh ta tak tak niin a lang ta a, loh theih loh ah chuan pawn chhuah loh, chhuah pawhin hmai tuam, inhnaih loh, kut sil ngun a ngai. Fimkhur a tul ta khawp mai. Kan fimkhur loh vangin mimal, chhungkua in a tuar theih tlat a ni.
Thudawnnain a tarlan danin:
• Health/Medical staff zingah COVID-19 positive contact awm.
• MBBS doctor pahnih awmin, Auyush Doctor pakhat awmnaah hian MBBS doctor pakhat hi SMO niin, Ayush doctor hi positive contact zingah a tel.
• Hri vei hmuhchhuahte hi hmun danga zin an awm lo.
• Contact tracing kalpui mek a ni.
Post a Comment
He post chungchanga i ngaihdan lo sawi ve rawh: