KAWLKULH KHUAA HMUN THENKHATTE CONTAINMENT ZONE-AH PUANG

Aizawl | May 28, 2021: Tunhnaiah Khawzawl District chhungah Covid-19 positive hmuhchhuah zel a ni a, khaw thenkhatah chuan Covid-19 hmuhchhuah thar hi a tam zual a. Heng khaw dinhmunte hi zirchian a nih hnuah Covid-19 hrileng darh zel tur venna atan inkhuahkhirhna khauh zawk kalpui a ngai tih hmuh a ni.




Inkhuahkhirhna khauh zawka kalpui a tul avangin Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan Regulation 11(1) of The Mizoram Epidemic Diseases (COVID-19) Regulations, 2020' tlawhchhanin 'Kawlkulh South Branch YMA area huam chhung, Kawlkulh IB pan chhohna peng bul chiah, Pu Rosiama Pautu in atanga chhim lam zawng, High School Veng telin, Saihum Veng (Khawzawl Road) Pu Lalparliana in thleng' chu vawiin May ni 28, 2021 atanga thu leh awm hma atan Containment Zone-ah a puang.
Containment Zone huam chhunga awmte chuan a hnuaia tarlan inkhuahkhirhnate hi an zawm ngei ngei tur a ni:
1. Tumahin mahni in/ compound an chhuahsan tur a ni lova, lirthei
hmanga veivah pawh khap a ni. Loh theih loha pawn chhuah leh veivah ngaite
chuan VLTF phalna an la hmasa tur a ni.
2. Containment Zone-a luh leh chhuah khap tlat a ni. Loh theih loha luh leh chhuah ngaite chuan Village Level Task Force (VLTF) hriatpuina la hmasain Deputy Commissioner hnenah phalna an dil tur a ni. Hei hian Zonal Officer, Medical duty, Security duty, VLTF te leh Essential service hna thawktute chu a
huam lo ang.
3. Containment Zone chhunga miten ei leh in chungchanga harsatna an tawh loh nan, VLTF ten uluk taka an dinhmun thlir chungin eichawp dawr leh bazar hawn chungchangah ruahmanna an siam ang.
4. VLTF ten harsatna leh mamawh an neih chuan bialtu Zonal Officer/Incident Commander hnenah an thlen ang.
5. Heng inkhuahkhirhnate hi belh/tihdanglam ngai a awm a nih chuan VLTF te nen inrawn chungin belh/tihdanglam a ni ang.

Post a Comment

0 Comments