Kan fing ta bik viau tihna a ni lo!

Thil pakhat an hriat loh vang khan an mawl ta viau a ni lova, an hriat loh kan hriat bik avang khan kan fing ta bik viau tihna lah a ni hek lo!

Officer lehkha thiam tak kha a hnaah chuan thain fak hlawh viau mahse, buh tuh hun leh thlai chi thlak hun a hre bik kher lo thei. Aizawl nula hmeltha tak, model hlawhtling tak khan thingtlang nula-in a tih thin thingphurh a thiam bik kher lo thei a, duh berte nena inlawm nawm zia a hre bik kher lo thei!

Vawksa hmeh thin tam tak zingah hian kum khatah vawkin tum engzat nge no a neih theih hre lo kan awm nual bawk a sin!

Bank-a thawkte tana an ni tin nuna thleng thin, hriat ngei ngei tura an ngaih ang hi keini ang duang Thingtlang tlangval, Modi sawrkar hnuai-ah Zero Balance hmanga account a hawn theih tak vanga account nei ve mai mai, hmang tangkai lem lo tan hi chuan hriat loh hi a lo tam thei viau mai. Kan hriat loh vang khan kan mawl ta viau tihna a ni lova, kan hriat loh an hriat bik avang khan an fing ta viau tihna lah a ni hek lo!

Ni e, ka pi chawhmeh duhzawngte zawng ka hre ve chiang em mai! Lamkhuang Sikul leh lamkhuang um dan ka hriat bik vang khan a hre lote lakah ka fing ta bik tihna pawh a ni lova, lamkhuang um dan hre lo khan ka hriat loh tam tak a hre ve thei.

Aizawl-a State Bank branch pakhatah Green Channel that leh that loh ka zawt a, "a thaa kan dahchhuah reng kha. I va mawl ve!" a ti a, kei chuan, "Ka pu, kan inah te chuan kan hriau dahna pawh ka hria, i lo zawng ve chhin dawn em ni?" tiin ka chhang ta a!

Ni e, kan tan chuan Deposit form leh withdrawal form te hi hriat loh theih deuh mai a nia. A ni a sin, Pathian malsawmna vanga hrisel ta chu Kolasib District Hospital-ah ka bo hu tawh a, Kolasib PS awmna ka bo hu tawh bawk! Mahse, damdawiin leh Police station a bo hu hi chu vanneihna a tih theih zawk hial awm a sin!

Assam-ah chuan thisen kan donate a, donors card kan neih chuan kan chhungte thisen mamawh hunah kan card hmangin kan lachhuak thei tihte chu hre leh tlat pek e! haha

COVID-19 leh HIV positive hmuhchhuah an tam chhan chu test kan neih tam vang  a ni ve thei tho an ti! ehh

(Thlalak hi chu biak ina lam ngam si lo MZP Assembly-a ka lam lai mai a ni.)

- H Zate

May 18, 2021 FB Status