Inkaihhruaina thuchhuah thenkhat tidanglam

Aizawl | May 5, 2021: Mizoram Sawrkar Order No.B.13021/101/2020-DMR/Vol-IV dated 03.05.2021 chu a hnuaia tarlan ang hian clause thenkhat tihdanglam a ni.
1. Clause B 1(5)-a ‘Phalna neia dawr hawnte chu tlai dar 4:00-ah khar vek tur a ni’ tih chu paih a ni.
2. Clause B 3 chu hetiang hian tihdanglam a ni –
(a) Sub-clause 3.1(1)-a ‘thlai leh thei, sa leh sangha zawrhna’ tih chu paih a ni.
(b) Sub-clause 3.3-a para hnihna chu a hnuai ami ang a tihdanglam a ni-
Inrinni zing dar 5:00 atanga chawhnu dar 2:00 thleng sa leh thlai zawrh theih a ni ang. A zawrhna hmun tur remchang chu LLTF/VLTF ten an ruahman ang a, mipui pungkhawm tam lo tur leh social distancing kalpui turin ruahmanna an siam ang.
Inrinni-a chawhmeh leh chakkhai lam hun siam chhunga harsatna bik neite tan LLTF/VLTF ten ruahmanna an siampui ang.


- DIPR

Post a Comment

0 Comments