Hripui do nan an khawlbawm hawngin naupangte an pen chhuak!

Aizawl | May 21, 2021: Hrileng karah naupang te pawh an theih ang angin an luangchhuak ve a,  an khawlbawm atangin, an pawisa khawl te lachhuaktin hri do nan an hlan a ni.


 Chhingchhip naupang pahnih chuan Chhingchhip CCCC ah a tul ang a, hman turin, pawisa an pe, an pawisa hlantute Eunice. VL. Pekhlui. Kum 8. D/O H. Lalthanpuia leh  HV. Zodinsanga kum 5. S/O H.Lalchhuanmawia te niin, 592 leh 503 an pe a ni.


• Danny Lalnuntluanga Kum 7 mi Ramthar Veng, Lunglei chuan a khawlbawma a pawisa khawlte VLTF Ramthar tanpui nan vawiin khan a pe.

• Chaltlang Mualvenga Cheng Andy Lalnunpuia, kum 10 pawhin a pawisa khawl Rs. 1000 chu Chaltlang LLTF hnenah nimin khan a hlan bawk.

• Aizawl Salem Venga cheng Lalrampari leh Lallawmawma te pawhin tuibur dahna tur bottle ruak an zawnkhawm sa an hralhna atanga an khawl cheng 2100 chu Salem Veng LLTF hnenah nimin khan an hlan.

• Nimin khan Aizawl Luangmual Veng-a cheng Lalnunpuia Sailo, kum 10, Pu S. Lalchhuanawma fapa pawhin a pawisa khawl cheng 700 chu Luangmual LLTF te hnenah a hlan.


• Aizawl Bungkawn venga cheng Hayley Lalmalsawmi, kum 7 chuan a pawisa khawl Rs. 1750 chu Bungkawn LLTF hnenah a hlan.

Post a Comment

0 Comments