HMAR FILM THAR JUNE NI 1 A RELEASE DING (Chung Siara Inzie- Written In The Stars)

Haflong | May 28, 2021: Hun sâwttaka inthawka buoipuia um ta le mitamtakin an nghâkhla em em el, Hmar Film thar "Chung Siara Inzie- Written in the Stars" chu June ni 1, 2021 zân dar 7:30-ah Mukhenz Boyz YouTube channel ah release nîng a tih.

Chung Siara Inzie hi Hmar Film lai po pova chu la changkâng tak dinga siem a nih a, technical tieng, video, audio, lighting, directing, editing, script le acting hai khawm duthusâma thaw a nih a, a film buoipuituhai, a changtuhai le hi film hlawtlingna dinga kut rawltuhai po po hi tulaia ding chun suongum tak vawng annih a, chuleiin hi Film hin Hmar Film Industry chu bung thar a mi kâipui ding a ni leiin en manhla um hlêng a tih. 


Ei hriet lâr em em el tulai sana Hmar Music Industry min âwitleitu- Mukhenz Boyz chun nasa takin hi film-a hin part an laka, chu el khelah Hmar videography khawvela inlâr pawl tak Excavation Studios chun technical tieng po po kut an rawl bawk a nih. Hi film-a a changtuhai khawm hi insit um lo tak Miss India Mizoram lo nipha hiel tah tulaia Modelling tienga Zoram Khawvel pumpuia inlâr Haflong nunghak ngêi Lily Darnei hi a changtunu a nih a, a changtupa hi pahni umin Music Video chi hrang hranga lo inlang ta hlak James Thiek le Clandy L Intoate hai annih. A film hin English subtitles khawm a um ding a ni leiin Hmar tawng hrenaw hai ta ding khawmin buoina ding a um hmel nawh.

"Chung Siara Inzie" hi Mukhenz Boyz YouTube channel ah June 1, 2021 zân dar 7:30 ah release ning a ta, Film hi Live a insuo ning a ta, upload ni naw nih a, nithum sûng release a ni zân a'nthawk Ningani zân chen sûnah dar 1:30  le zân dar 7:30 ah insuo zie ning a tih. Hi film Live a insuo a ni sung hin Hmar Film Industry in hieng chen chen ei phâk thei lawmpuina le ditsakna annaw leh Film siemtuhai ṭhangpui nuomtuhai ta dingin online payment hmangin pawisa sum nuom zât zât pêk thei ni bawk a tih.

Le, hun harsatak kâra lêng eini lai zinga hiengang Hmar hnam ta dinga thu lawmum hung tlung mani inlum seng a'nthawka mani  tawng ngeia Film puitling takel ei enthei ding hi mitinin lo ngaihlua lo en seng dingin ei infiel tak meu a nih.

Chung Siara Inzie- Written in the stars, A film by Excavation Studios and Mukhenz Boyz in Collaboration with Chat-Lupi

Starring: Lily Darnei, Clandy L. Intoate , James Thiek
Screenplay: Mukhenz Boyz
Written by : Mukhenz Boyz
Lyrics: 15leaves , Jehova
Makeup and costume: Summer Jazz
Production Designer: Robinson Puruolte
Production Manager: Boiha Lalsanglien Khawbung
Sound: Aming Hrangchal
Camera: Duduk Zate, Dennis Chinzah, Gospel Faihriem
Cinematography: Duduk Zate
Assistant Director: Jehova Tuolor
Director: Duduk Zate
Producer: Ngamrothang Hmar
Crew: Mukhenz Boyz, Chat-Lupi
Costume partners : GreyMount, Tribe Fiction, Store Haflong

Post a Comment

0 Comments