HMAR FILM THAR JUNE NI 1-AH RELEASE DAWN (Chung Siara Inzie- Written In The Stars)

HAFLONG | May 28, 2021: Hun reitak ata buaipui ni tawh leh mitam takin an nghâkhlel em em mai, Hmar Film thar "Chung Siara Inzie- Written in the Stars" chu June ni 1, 2021 zân dar 7:30-ah Mukhenz Boyz YouTube channel ah release a ni ang.


Chung Siara Inzie hi Hmar Film zawng zawg zinga changkâng ber tura siam a ni a, technical lam, video, audio, lighting, directing, editing, script leh acting te pawh duhthusâma tak maia tih a ni a, a film buaipuitute, a changtute leh he film hlawhtlina a tana kut rawlhtute zawng zawng hi tunlai chhanah  chuan chhuanawm tak vek  an ni a, chuvang chuan he Film hian Hmar Film Industry chu bung thar a kâipui dawn  avangin en a manhla dawn hle a ni.

Tunlaia miten anhriat lar em em Hmar Music Industry lama langsar tak mai- Mukhenz Boyz chuan nasa takin he film-ah hian part an la a, chu mai bakah chuan Hmar videography khawvela lâr ber pawl Excavation Studios chuan technical lam zawng zawng kut an rawlh bawk a ni. He film-a a changtute pawh hi duai lo tak mai Miss India Mizoram lo nipha hial tawh tunlai Modelling lama Zoram Khawvel pumpuia lâr Lily Darnei hi a changtunu a ni a, a changtupa hi pahnih awmin Music Video chi hrang hranga lo lang tawh thin James Thiek leh Clandy L. Intoate te anni. A film hi English subtitles pawh a awm dawn avangin Hmar tawng thiam loh tan pawn buaina tur a awm vak dawn lo a ni.

 
"Chung Siara Inzie" hi Mukhenz Boyz YouTube channel ah June 1, 2021 zân dar 7:30 ah release a ni anga, Film hi Live a chhuah tur a ni dawn a, upload a ni loving. Tichuan, nithum chhûng release a nih zân atangin Ningani zân thleng chhûnah dar 1:30 leh zân dar 7:30 ah chhuah ziah a ni ang. He film Live a chhuah a nih chhung hian Hmar Film Industry in hei leh chen an thlen thei hi lawmpuina le duhsakna emaw he Film siamtute tanpui duhtute ta online payment hmangin sum duh zat zat a pek thei bawk dawn a ni.


Chung Siara Inzie- Written in the stars, A film by Excavation Studios and Mukhenz Boyz in Collaboration with Chat-Lupi
Starring: Lily Darnei, Clandy L. Intoate , James Thiek
Screenplay: Mukhenz Boyz
Written by : Mukhenz Boyz
Lyrics: 15leaves , Jehova
Makeup and costume: Summer Jazz
Production Designer: Robinson Puruolte
Production Manager: Boiha Lalsanglien Khawbung
Sound: Aming Hrangchal
Camera: Duduk Zate, Dennis Chinzah, Gospel Faihriem
Cinematography: Duduk Zate
Assistant Director: Jehova Tuolor
Director: Duduk Zate
Producer: Ngamrothang Hmar
Crew: Mukhenz Boyz, Chat-Lupi
Costume partners : GreyMount, Tribe Fiction, Store Haflong
 

Post a Comment

0 Comments