Driver kutthlak vangin MTDA lungawi lo; Thupha chawi loh chuan Hnahthial-ah buhfai dah loh tum!

Aizawl | May 29, 2021: Mizoram Truck Drivers Association chuan Truck khalhtu chunga Hnahthial VLTF chet danah lungawi livon thuchhuah an siam. Thupha chawi a nih loh chuan Hnahthialah buhfai dah an tum tawh loh thu an sawi.


Mizoram Truck Drivers Association Gen. Hqrs. Aizawl chuan thuchhuah siamin, Dt.26th May 2021 khan MZ 01T 1777 buhfai phur truck, Lalbiakdika khalh chu Hnahthial daiah Hnahthial LTF duty-te'n a motor aṭanga chhuk phalsak lovin ei rawng an inbawl thei lo va, zankhuain chaw an nghei niin an tarlang. 



An thuchhuaha an tarlan zel danin, a tuka Hnahthial kudama buhfai a unload zo lo haw lam chu LTF duty te leh Traffic Police pakhatin umzuiin kut an thlak a, an vaw bawk nia sawiin tihsual lian an nei bawk si lova hetianga eibar phurtute min tiduhdah ngawt mai hi kan ngaithiam lo va. Kut thlaktute hian MTDA lungawina tawk zana ngaihdam an dil a nih loh chuan "Truck Driver te hian Hnahthialah buhfai dah kan tum tawh lo" tiin an tarlang.


- MSR

Post a Comment

0 Comments