COVID-19: Hripui vangin vawiin-ah mi pahnih boral tawh!

Aizawl | May 10, 2021: Vawiin-ah hripui vanga boral mi pahnih an awm tawh a, boralte hi mipa leh hmeichhia an ni.

Vanduaithlak takin Pu Thangluaia (58), Bawngkawn chu vawiin 10.05.2021 chawhma dar 10:30 khan Covid Pneumonia vangin ZMC ah a boral. 26.04.21 khan Lengpui Airport ah hri a kai tih hriatchhuah niin ZMC ah admit nghal a ni. Amah hi rilpui cancer chuapa darh tawh nei a ni.

Vanduaithlak takin tukin (10.05.21) dar 5:00 AM khan Pi Lalthianghlimi (68), Kanan Veng chu COVID Pneumonia avangin ZMC ah a boral. April 21 khan hri a kai tih hmuhchhuah niin April 23 ah ZMC ah admit a ni a, April 25 khan ICU ah dahluh a ni.

Thlalak hi Mizoram a ni lo. News tichiang thei tura dah mai a ni.



Tun dinhmun-ah Mizoram a hri vei hmuhchhuah tawh zawng zawng hi mi 7623 niin, dam tawh hi mi 5755  an ni a, enkawl lai mi 1846 awmin, nunna chan hi mi 22 an ni thung.
Hri vei hmuhchhuah tawh zing-ah hian Mipa 5062 niin, Hmeichhia hi 2561 an ni.


Post a Comment

0 Comments