Aizawl | May 17, 2021: Vanduaithlak takin tukin khan Mizoram-ah Hripui vanga boral hmeichhe pahnih an awm. An ni hi nimina hri vei hmuhchhuah thar ve ve niiin, Kum 60 chunglam ve ve an ni bawk!
• Vanduaithlak takin nimin(16.5.2021)-a Thingdawl,Kolasib district-a mi,RAgT hmanga positive hmuhchhuah Pi Zathangpuii (74) chu ZMC panpui a nih mek laiin tukin dar 1:30 khan Zanlawn daiah a boral. Nimin khan a pasal nen Kolasib District Hospital-ah an positive tih hmuhchhuah a ni
 |
| Thlalak hi Mizoram a ni lo. News tichiang thei tura dah mai a ni. |
• Vanduaithlak takin Pi Mangdin (61), Chhinga veng chu tukin May 17, zing dar 2:30 khan COVID19 Pneumonia vangin ZMC-ah a boral. Amah hi BP sang, zunthlum leh natna benvawn dang nei a ni.
Nimin khan RAgT hmangin hri a kai tih hmuhchhuah niin ZMC ICU-ah dahluh nghal a ni.
Thingdawl mi boral zawk hi ttuin dar 7 report-ah khan a tel hman lo niin a lang a, a lo tel hman loh chuan Tun dinhmun-ah Mizoramah hripui vanga boral mi 25 atangin pakhat belhin, mi 26 an tling ta a ni.
Tin, hei bakah hian enkawl lai zat pawh a ti danglam turah ngaih a ni a. chuti a nih chuan, Tun dinhmun-ah Mizoram a hri vei hmuhchhuah tawh zawng zawng hi mi 8829 niin, dam tawh hi mi 6687 an ni a, enkawl lai mi 2116 awmin, nunna chan hi mi 26 an ni thung.
Hri vei hmuhchhuah tawh zing-ah hian Mipa 5693 niin, Hmeichhia hi 3136 an ni.
Post a Comment
He post chungchanga i ngaihdan lo sawi ve rawh: