Aizawl | May 1, 2021: Nimin khan Mizoram-ah COVID-19 positive hriat theih chin-ah 112 hmuhchhuah a ni.
nimin khan hri vei enkawl dam tawh mi 44 in enkawlna hmun an chhuahsan a ni.
AIR Aizawl-in a puan danin, Electric eng leh internet a chhiat avangin nimin leh nizan lama ZMC laboratory, district hrang hranga TrueNAT khawl leh Rapid Antigen Test hmanga sample endik result chu a huna puan hman a ni lova.
Hriat theih chinah hri kai thar 112 an awm a. Rapid Antigen Test hmanga Lengpui ţumhmun leh district hrang hranga endiknaah hri kai 67 hmuhchhuah thar a ni a, ZMC-a RT-PCR laboratory-ah hri kai 39 hmuhchhuah thar niin district hrang hranga TrueNAT khawl hmanga hmuhchhuah chu 6 a ni.
Tun dinhmun-ah Mizoram a hri vei hmuhchhuah tawh zawng zawng hi mi 6132 niin, dam tawh hi mi 4926 an ni a, enkawl lai mi 1191 awmin, nunna chan hi mi 15 an ni thung.
Post a Comment
He post chungchanga i ngaihdan lo sawi ve rawh: