Aizawl | April 28, 2021: Zoram Medical College (ZMC) a MBBS zirlai pahnih chu Tuirivang lui ah kalin an chesual palh hlauh mai a, an boral ve ve a ni.
Nunna chan tate hi C.Lalbiaknunga Champhai leh Jeremia PC Lalremliana Dinthar Aizawl te niin, an ruang hmuh a ni tawh. Phulpui lam atanga lakchhuah a ni ta a ni.
ZMC-a zirlai vawiina Tuirivang luia chesual a vanduaina tawkte Jeremia PC Lalremliana Aizawl Dinthar leh C. Lalbiaknunga Champhai Vengthlangte hian vanduaina an tawk tih an hriat veleh Phulpui tlangval a hre hma sa apiang vanduaina tawhna hmun lam panin an tlan nghal a.
Vanduai ta te ruang hi Pc Laldinmawia s/o Lalbiakdika (L) Phulpui in a chhar a, Pc Laldinmawia hi helai hmuna hman deuh a chesual Baktawng zirlaite ruang chhartu bawk kha a ni.
Hetia ZMC zirlaiten vanduaina an tawh hian an ruang lak chhuah nana a kalkawng nuam ber tur Phulpui khaw lama lak chhuah an rel takah chuan Phulpui lam pawh an theih ang tawk a lo inbuatsaihin Phulpui Community hallah ruang an lo hmuak a ni.
ZMC a MBBS zirlai, second year student pahnih Jeremia PC Lalremliana s/o PC Lianthanga Dinthar veng Aizawl leh C Lalbiaknunga s/o C Laldawngliana Champhai Vengthlang te chu Tuirivangah thianza ho a intihhlima kal vawiin tlai dar 4:15 lam khan tuiah an tla hlum.
ZMC hotute hnen atanga in thudawn danin tui tla ruang te hi an hmu ve ve tawh a, ZMC lam an buai khawp mai a. ZMC hotu Dr John Zohmingthanga pawh ZMC lam panin tun mai khan a tlan phei nghal tiin The Zoram Voice chuan a tarlang.
Hetih lai hian ZMC damdawi In a thawk doctor pakhat, ward pangngai (non Covid ward) a thawk chu a Covid-19 a positive tih hriat chhuah a ni a, hemi kaihnawihah hian test tawh chinah mi 7 an positive tawh bawk niin The Zoram Voice chuan a tarkang bawk.
Post a Comment
He post chungchanga i ngaihdan lo sawi ve rawh: