Aizawl |April 14, 2021: DoNER Minister Pu Jitendra Singh chu Serchhip Bial Bye Election atan BJP Star Campaigner ni bawk chuan Serchhip Auditorium, Serchhip nimin khan hun a hmang.
He hunah hian Master Of Ceremony atan F Lalremsangi niin, Rev C Lalsanglura Serchhip MPF Chairman in hunserh a hmang a ni. Pu Vanlalhmuaka State BJP President chuan inlawmna thu a sawi a, BJP tana campaign-a lokal Arunachal Pradesh Home minister te, Manipur State minister te pawhin thusawina hun an hmang bawk a ni. He hunah hian Pu Lalhriatrenga Chhangte BJP Official Candidate pawhin thusawina hun a nei a, Pu Jitendra Singh Doner Minister, Star Campaigner in thusawina hun anei bawk a ni.
Pu Vanlalhmuaka chuan inlawmna thu a sawi hnuin, Serchhip Bial hi Congress hunlaiin, CM bial kum rei tak a lo ni tawh a, Serchhip Bial mipui te hian hmasawnna an hmuh tur leh an phu ang hi an hmu ngai lova, tunah hian Pu Lalhriatrenga Chhangte BJP Official Candidate hi kan thlang tling a nih chuan, Serchhip Bial ah hian hmasawnna tak tak mipui mamawh a thleng ngei dawn a ni tih ka sawi duh a ni a ti. BJP chuan kan ti ang kan tih hi kan ti thin a, Mipui hma a kan intiam ang chu kan tih thin avangin tun ah pawh Serchhip Bial hmasawnna tur kan sawi ang zawng zawng hi ataka alo thlen ngei theih na turin BJP Official Candidate hi kan thlan tlin angai a, Serchhip Bial mipui ten kan Candidate Pu Hriata Chhangte hi khawngaihtaka Vote theuh turin ka sawm che u a ni a ti.
Pu Lalhriatrenga Chhangte BJP Official Candidate chuan, Pu Zoramthanga Mizoram CM ai hian Pu Modia hian Mizoram a hmangaih zawk tih hi BJP kalphung atang hian ahriat hle a ni. BJP chuan Hmasawnna kan mamawh tinreng hi min pek an duh a, a kalkawng atan erawh rinngam aneih loh avangin hmarchhak State dangte hmasawnna ang kan nei ve hrih lo mai a ni. Chuvangin Serchhip Bial mipuiten kan mamawh hrang hrang, Thenzawla MZU Constituent College din te, Buangpui leh Neilhloh inkar kawng siam that te, Serchhip ah Shoping Mall kan neih theihna tur te, Bial chhung mamawh hrang hrang ka sawi thin te bakah Mizoramin mamawh hrang hrang kan neihah pawh hmasawnna kan neih theihna turin BJP hi apawimawh hle a, chuvang chuan Serchhip Bial ah hian nangmahni aiawh mai piahlamah Mizoram aiawh pawhin ka rawn ding a ni. Chuvangin Serchhip Bial hmasawnna tur atana ka Dream te tihhlawhtlin a nih theih nan, Dt 17th April 2021 a, Vote thlak hunah hian in Vote hlutak min pe theuh turin Serchhip Bial mipuite inkhawngaihna ka rawn dil tak meuh meuh che u a ni a ti.
Dr Jitendra Singh Doner Minister, Serchhip Bial Bye Election Star Campaigner chuan, BJP chu Party danglam bik kan ni a, kan thupui, Mitin in rualkhaiin hmasawnna an mamawh ang an hmutur a ani tih hi ani a, Congress Sorkar hian India ramah hun rei tak Sorkarna an chang tawh a, Mizoram hi engvangin nge an Sorkar hunah khan hmasawnna an thlen tir duh loh kan tih chuan, Mizoram mipui hi Nuai 10 vel chauh kan nih avangin MP pakhat chiah kan nei a, Centralah Sorkarna siam turin tangkaina innei lo ani tih an hriat vang ani tih ka sawi duh a, tuna BJP in hmasawnna Mizoram tana kan thawh ang zawng zawng hi an ti duhlo mai zawk a ni. BJP Pu Modia Kaihhruaina hnuaiah Mizoram ah hian nasa takin hmasawnna kan nei a, Chhimlamah Lawngchawlhna tur te, Rel kawng pawh chhimlam thlenga kalna tur te, Tuirial Hydel Project te, bakah hmasawnna lian tak tak Mizoram tan kan hmuh ho hi BJP Pu Modia kaihhruaina hnuai ah vek a ni. Chuvangin Congress Sorkar chuan Mizoram hi rethei takin awm reng sela, Inthlan dawnah an retheihna denchhenin an Vote lei ila tih hi an thupui a ni thin, Pu Hriata chhangte inlo Vote anih chuan Serchhip Bial tana a duh a rawn thlen te kha kan ti hlawhtling ang tih ka tiam thei rih lo cheu a, achhanchu Model Code Of Conduct in min phuar avangin, Nimahsela in thlangtling anih erawh chuan inthlan zawhah ka dawhkan ah khang athusawi te kha kan sawi dun dawn a ni a ti.
He mi hnu hian Dr BD Chakma MLA, BJP Mizoram Vice President chuan thusawina hun leh lawmthusawina hun a nei a, Dr BD Chakma chuan, Serchhip Bial Mipui te hian, MNF emaw, ZPM emaw inthlantlin hian hmasawnna a rawn thleng dawn lova, BJP Candidate Pu Hriata Chhangte inthlantlin erawh chuan hmasawnna atakin Serchhip Bial ah alo thleng dawn ani a ti. Pu BD Chakma chuan, BJP hi Anti-Christian anilo ani tih vawiinah kan hria a, State dang atanga Minister rawn kal zawng zawngte kha, Christian vek annih kha, chuvangin BJP hi Christian te dodaltu anilo a, Party dangin min beihna tur dang an hriat tawh loh avangin anti Christian angin min bei mai chauh a ni a ti bawk niin BJP media cell chuan an tarlang.
Post a Comment
He post chungchanga i ngaihdan lo sawi ve rawh: