Aizawl | April 22, 2021: Pune-a hnathawk a awm mek Nula fel tak B. Lalruatsangi, Lungsen khua chu a chetsualna hliam tuar lovin vawiin tlai dar 5:30 bawr vel khan a boral.
Thudawnnain a tarlan danin, Lalruatsangi hi, April 16 khan building-a lift la siam zawh loh-ah tla palhin hliam nasa tak a tuar a, damdawi in ah admit nghal niin, doctor thiamte nen damdawi tha te nen theitawp chhuah ni mahse, a hliam a nasat em a vangin, Nat leh hreawm awm tawh loh na ramah a rawng alo bawl thin a Lalpa hnenah vawiin tlai Dar 5:30 bawr vel khan a lo chawl ta a ni.
Naktuk April 23 khian harsatna dang a awm loh chuan thlawhna-in a ruang rawn phur chho a ni ang a, an khua Lungsen ah vuiliam a ni ang.
B Lalruatsangi hi Kum 21 a upa niin, Lungsen khua a ni.
An building atanga chesual palhin ICU ah admit nghal a ni a, vawiin tlai lam dar 5:30 pm khan chatuan ram a pan ta a ni. A ruang hi Pune Mizo Welfare Association ten a rang thei ang bera an khaw lama thawn turin an buaipui nghal a ni.
B.Lalruatsangi chetsual chungchang ah Pune a pastor Ropuia'n bialtu MLA Pu zodintluanga phone in a bia a, an manganna te hrilh hriain bialtu MLA chuan cheng 150000 (nuai khat singnga)in a tanpui a. Tha chho zel tura kan ngaih laiin vawiin tlai dar 5:30 khan a boral ta si a, bialtu MLA in ahriat ve leh a ruang hi lengpui airport alo thlen veleh Lengpui atanga Lungsen thleng a ruang phurhna tur ambulance inpeih sa diam in alo ruahman niin thu dawn a ni.
B Lalruatsangi ruang thawn nan hian Tv Vincent-a te chhung in ruang thawnna Rs 50,000 an tum a, Pi Zosangi'n cheng 10,000 a thawh bawk a ni.
Post a Comment
He post chungchanga i ngaihdan lo sawi ve rawh: