Mizo Hmeichhe rapper RD-i a boral!

Aizawl | April 22, 2021: Mizo Rapper lar leh a hunlaia huhang ngah tak mai, RD-i tia hriatlar (Vanrodinpuii) chu zanin khan a boral.

Kum 34-a upa RD-i hian hun rei tak ata tawh khan Cancer lo sual tawh niin,  zanin dar 10:20 khan natna awm tawh lohna hmuna chawl tawh turin a boral ta a ni.




Chanmari West, Neuva Section a khawsa an ni a, a ruang hi naktuk April 23, (Ningani) Chhun dar 12:00-ah  Chanmari West YMA Zawlbukah vui a ni ang.

RD-i te hi Presbyterian Kohhran a lawi an ni a, RDi hian a fanu a kalsan a ni.

YMA thuchhuah chuan, "Mitthi in leh mitthi vuina ah mi 30 aia tam kal phal a ni lova, Mitthi in leh a vuina a kalten Sorkar thuchhuak zawm tura hriattir  kan ni," tiin mipui a hriattir.

RD-i thih thu hian zaimite a thawngin a deng hle a, zaimi ten an uina thu an status nasa hle a ni.

RD & Ethel - Duhlai



A lo zaipui thin, Ethel varte chuan instagram lamah a ui thu post siamin, " Din sawi mai dan tur pawh kavan hremai lo ve aw.... April 6 ah pawh kan inbia a... Ka Man te pawh i ei ve anga kan inneih hun tur te pawh champhai kal itum em kha ni30 hian insuih that kan tum ve asin.... 😔 Ka Pa kha han hmula minlo biak mawlh mawlh ang che aw.... kalo kal ve hun ah minlo hmuak ang che u aw..
Nimin lam ah pawh @musicdomainmizoram_official lam ah ka kal a... rdi nen hian video siam leh ula te minti a sin kan in biak hnuhnun ber khan ka tha itia... ilo tha silo anih hi 😔 I FaNu rawn hmuh hi kavan hreh tak em i tello in engtin nge. ahringnun a hman chhoh tak ang Din @rdi_ladylicious" tiin a auchhuahpui.








(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments