LADC-ah Nominated seat pali awm tawh dawn!

Aizawl | April 29, 2021: Mizoram sawrkar chuan vawiin khan danin thuneihna a pek angin, Lai Autonomous District Council (LADC) ah Mizoram Governor pawmpuina-in nominated Seat (ruat seat) pali awm tawh turin leh elected seat erawh a ngaiin seat 25 awm turin thu a chhuah a, he thu hi chhuah a nih atangin hman tan nghal tur a ni.

He thuchhuah ang hian, LADC ah ruat seat pathum awm thin chu pali a ni tawh dawn a ni.

Mizoram Governor chuan India Constitution sixth Schedule leh Rule 7 of  the Lai Autonomous District Council (Constitution, Conduct of Business, etc.) Rules, 2002 in thuneihna a pek angin governor ruat seat hi a tidanglam a. He danglamna hian Lai Autonomous District Council (Constitution, Conduct of Business, etc.) Rules, 2002 rule 8-na a nghawng dawn a ni.

Elected hi chu 25 a ni hrim hrim a, Lai Autonomous District Council-ah elected member 25 leh nominated member 3;  avaiin  Member 28 an nei mek a. Kum 2010 hma lam term engemaw zat chhung chu nominated member hi 4 an nei thin a, amaherawhchu, kum 2010 –a delimitation-ah khan Nominated member hi 3 ah tih hniam a lo ni ta a ni.

He thil hi tha ti lovin tuna Sorkar/LADC Executive Committee chuan Nominated member hi 4 nei leh turin hma a la leh a, he an hmalakna hi vawiin LADC Day-ah tak a hlawhtlinna a lo lang ta a ni.

LADC Day 2021 puala CEM thuchah HETAH hian dah a ni.