COVID-19: Khawzawl Tourist Lodge containment area-ah puang

Aizawl | April 28, 2021: Tunhnaiah State pawn atanga Khawzawl District-a rawn haw mi panga (5) te chu Covid-19 positive an ni tih hmuhchhuah a ni a. Tourist Lodge Covid Care Centre, Khawzawl Lungvar-ah enkawl tura dah luh nghal an ni.




Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan Regulation 11(1)(b) of The Mizoram Epidemic Diseases (COVID-19) Regulations, 2020' tlawhchhanin Tourist Lodge, Khawzawl Lungvar Complex chu April Ni 27, 2021 atanga thu leh awm hma chu 'Containment Area' ah a puang.

Containment Area chhungah hian Medical leh Security duty-te bakah Deputy Commissioner, Khawzawl District-in phalna a pekte tih loh chu tumah luh leh chhuah phal a ni lo.

Post a Comment

0 Comments