COVID-19: Hri vei pung zel positive thar 3 hmuhchhuah belh; Enkawl lai mi 40 tling leh ta!

* Aizawl district-ah hri vei 35 awm mek!

Aizawl | April 3, 2021: Nimin khan Mizoram-ah hri vei 3 hmuhchhuah belh a ni. Nimin khan ZMC RT-PCR laboratory ah sample test a awm lova.. TrueNAT laboratory-ah sample test negative vekin, Rapid Antigen Test hmanga sample test zingah COVID-19 positive 3 hmuhchhuah a ni.

Tun dinhmun-ah hri vei hmuhchhuah tawh hi 4487 niin, dam tawh mi 4436 awmin, enkawl lai mi 40 an awm mek a, nunna chan tawh 11 an ni.

Hrivei hmuhchhuah tawh zingah hian 3262 hi mipa niin, 1225 hi hmeichhia an ni thung.

Hri vei tamna ber Aizawl district-ah 35 awm mekin, Hnahthial-ah 3 leh Champhai district-ah 2 an awm bawk a ni.

Rapid Antigen Test positive:

Aizawl district

Ramhlun South: Hmeichhia kum 28 a upa, Delhi atanga lo haw, Lengpui Airport Screening point-a hmuhchhuah, symptom nei lo a ni.

Kanan Veng: Mipa kum 23 a upa a ni a. Zirlai niin Ahmedabad, Gujarat atanga lo haw, Lengpui Airport Screening point-a hmuhchhuah, symptom nei a ni.

Zemabawk (Pushpak) : Mipa kum 29 a upa, Mizoram leilungfa ni lo, Haryana atanga lo kal niin, Pushpak (Zemabawk) ami a ni a. Lengpui Airport Screening point-a hmuhchhuah, symptom nei lo a ni.

TrueNAT hmanga sample test zat

Champhai district - 3 (Hmeichhia)

Hnahthial district - 38 (Mipa - 26, Hmeichhia - 12)

TOTAL  - 41      (Mipa - 26, Hmeichhia - 15)

Rapid Antigen Test zat

Aizawl district - 196 (Mipa - 135, Hmeichhia - 61)

Kolasib district - 149 (Mipa - 112, Hmeichhia - 37)

TOTAL - 345     (Mipa - 247, Hmeichhia - 98)*

02.04.2021-a Sample test zawng zawng zat = 386 (Mipa - 273, Hmeichhia - 113)

Positive hmuhchhuah zat % = 0.77%