Chanmari kawn-a lirthei tlan dan tur chungchanga thuchhuah

Aizawl | April 28, 2021: Sr.Superintendent of Police, Traffic chuan thuchhuah siamin UD&PA, PWD, Chanmari Local Council, Chanmari West Local Council te be rawnin Chanmari Junction (Chanmari West peng) tihzauh hna PWD-in 29.4.2021 atanga an thawh dawn avangin mipui remchan zawk nan leh himna a nih beiseiin a hnuaia mi ang hian lirthei tlan dan tur ruahmanna a siam.

Zarkawt atanga hmar lam pana lirthei tlan reng reng te chu Hrangbana College kawt atangin Chanmari kawn lamah an tlang ang a, Chanmari B.O.C ah leh Ramhlun lamah an tlan thei ang. Vaivakawn lam atanga Chanmari pan tur leh Edenthar atanga Chanmari pan turte chu hemi hun chhung hian a kal theih dawn lova, Chanmari West kawipui thleng chauh a kal theih ang. Kawng siam chhung hian Hrangbana College leh Chanmari B.O.C inkarah eng lirthei mah hun/park phal a ni lo.
He thupek hian 29.04.2021 (Ningani) atanga hna thawh zawh a nih hma chu a huam ang.
He thupek hi a hmuna duty Traffic Police ten tul leh tha an tih angin an tidanglam thei ang.

Post a Comment

0 Comments