The Highland Voice atanga hriathlawh leh MZI Library Nite 2019 atanga Explore Mizoram -in kan hmelhriat Zaithiam Josephine Lalruatfeli i belchiang ang.
(He a hnuaia inkawmna kan dah hi 2019 a kan kawm tawhna a ni a, a hun laia kan zawhna thenkhat erawh kan dah tel ta lo. Tin, a ngaihdan a sawi thenkhat leh music vide a siam zat pawh 2021 ah hi chuan a danglam tawh mai thei. - Editor)
Josephine Lalruatfeli hi J Lalhmachhuana leh K Lalnuntluangi te fanu niin, August 13, 2000 khan a lo piang a. Vairengte, Kolasib district-a awm an ni.
Jojo tia koh thin Josephine hi Zirna avangin tunah hian College kalin, Aizawl-ah chengin an khawsa a ni.
Josephine - Kan ngai vawng vawng che
MZI Library Nite 2019-a perform theih dan leh inbuatsaihna:
- MZI Library nite ah khan mi ngaihsanawm tak tak te karah chanvo hlu leh ropui tak Highland Voice hming avang chauhin kan dawng ve hlauh mai a, kan remchanna lain hun nei lo tak chung siin ni khat chhung kha chu Dampuia nen khan kan theihtawp tak meuh meuhin kan inphuahchah ve a ni.
Zai tan dan:
- Music ngaina chhungkua atanga seilian ka nih avang te pawh a ni ang, kum 3 leh kum 4 inkar vel ka nih atang daih tawh hian ka zai tan tawh. Biak in hi ka zai tanna a ni. Tin, zai lamah hi chuan a hrangin zirtirna ka dawng lo a, ka pa nen hian kan ti dun ber thin. Hemia ka sawi belh duh chu zai hi chu zir thiam chi niin ka hre lova, zaimi hi an lo awm ve ngei a, zaithiamna hi pianpui a ni tih hi ka sawi uar ve duh a ni. Thalaite hi hetah hian kan harhchhuah ve tawh tul hlein ka hria.
Music video tihchhuah tawh zat:
- Remchanna lain pahnih chu ka tichhuak ve tawh a, pakhat hi fam ngaih hla a ni a, "kan ngai vawng vawng che" tih hla Pu Dinpuia phuah a ni. Tin pakhat zawk hi "Tunah zawng" tih a ni a, 2018 krismas lai vela tihchhuah niin Lengzem hla ka phuah hmasak ber a ni. Hemi hla hi top chart ah vawi 3 a lo lang tawh bawk.
 |
| Dampuia nen |
Ngainat leh duh zawng hrang hrangte:
Rawng: Bronze-green
Chawhmeh: Bawrhsaibe/Mai
Incheina: a hun a hmun mila inchei.
Rimawi: Pop/ R&B / country/ electronic-pop
Mizo ziaktu zingah: Mafa Hauhnar
Hla: The carpenters- Close to you
Hla phuahtu: Lalsangzuali Sailo
Mizia ngainat zawng: Rilru tha
Mizia ngainat loh zawng:
- A dera nung thiam(faking) leh Chapo avanga mi dang hmuhsit ching!
Hobby: Thu leh hla ziah leh Zai
Relationship status: single
(Hei pawh hi 2019 a a sawi a ni a, He post kan publish hun March 24, 2021 ah meuh hi chuan a danglam ve ngei tawh mai thei.)
Kawppui atan duhzawng: Polite, Rilru zau leh fing.
Jojo - Hmangaihtu Thinlung
Thalaipuite hnena thu chah:
- Kan pianpui thiamna theuh kan haichhuah a,a hlutzia leh kan vanneihna hmangtrangkaia hlawhtlinpui tham tur khawpa midangte aia thawkrim zual a, inringtawk tak chung leh hmasawn zel tum ran chunga kan luhchilh a ngai ve ta! Lehkha thiamte hai luh zat kan hailuh ve nan.
Music lam bikah pawh ram changkangah te chuan sum hnar atan an hmang ber tawh. Kan society ah ve thung chuan eizawnna tlak a ni lo kan ti leh mai thin. Tunge eizawnna tlak khawpa lo luhchilh hrep tawh kan hria em!!!? History siamtu ni ta che!
Engkim chan huamin keipawn ka fight mek e! Thank you😇
The Highland Voice Top 25 Josephine Lalruatfeli - One Dance
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: