ZAHTHLAK A BO!

- Huma Kawlni

Kan politician ten inthlan dawnin Manifesto an siam thin a, heng hi Sawrkwrna an chan huna ram kaihhruai an tum dan inziahna ni tura ngaih a nih laiin, Inziahthat siak tih tawngkam te sawi a awm leh nawlh thin.

Kum 1984 inthlanah khan, kan duh em em leh kan beisei phak tawh loh remna thlen tir a, Lalthutthleng ken  khan mipui thinlung a hneha PC kan ram budget Eizo tu tih hla hmangin INC Sawrkar a ding thei a nih kha.

Kum 1988 inthlanpui ah chuan, Manifesto a lo danglam leh ta, Khua zawng zawng Electric Eng pek vek leh Inchung rangva sem a, NLUP hmanga chhung tin cheng Sing thum dawn tir a, Retheihna umbo chu a tla-ná thawkhat a niang, hneh takin INC an sawrkar leh a, Kum 1993 inthlan-ah pawh  sawrkar chhunzawm in, Hetih chhung hian,  Mualpui ram Compensation, Lengpui Airport hmun  Compensation   cheng Nuai 40 fanghmano ei leh thil dang tam takin Mizo mipui min chiah piah nasa hle. Khaw tin Electricity thlen tir tih lam erawh Tun thlengin a tak ram a la thleng lo thung.

INC tho hian, Chhungtin atanga Sawrkar hnathawk in dah vek te pawh ziak chuan min tiam na in, a tak ram a thleng chuang lo. Hnathawk lakna turah Rulling party Office atangin list siam ni thin anga ngai theih in thil a awm a, Police & Excise Force lak turah pawh mi tamtak in Bhawan leh Hnam Run an zuan khum thei lo niin sawi a awm thin.

IR Police lak dawn lai  vel khan, Minister recomend thenkhat chu Riffle nena inchen thuak te an lo awm nge ni dawn ? Official lam in, Ka pu, i rawn Recomend kha kan han teh a, a tling tlat lo mai  an tih chuan, lo teh rawh u ka ti hlei nem, lo la rawh u  ka ti a lawm, tih tawngkam te pawh mipui lamah a darh nasa viau a, Tun thleng hian IR police kal ve nal nal chi hmuh tur an la awm nual mai.

A tlangkawm nan chuan, Contractor hnena 3%  lakkhawm party fund a dah te, Bhawan leh Hnan Run a tanga Hna/ Contract sem te chu kalphung pangngai ang maia ual au taka sawi chhunzawm zel a ni. Tun tuma Serchhip By Election a Candidate tur pakhat phei hi chu, Hnam Run lama Hna semtu ber  a nih thu CM ngeiin a sawi hmiah mai.Kan vote zawn duh dan te hi aw, a beidawn thlak.

Fatu hlui tih te, a rilphiar leh a pumpui tláng chhah etc tawngkam pawh thinlungah a riak ril hle bawk. Kan ram hian, Democracy huang chhungah kalphung mumal zawn hmuh a, kawngdik leh hnam dinchhuahna lam hi hawi a va hun tawh em! Heti renga kan kal chuan, kan thenawm ram te hmuhsit leh endawng kan ni kumkhua ngei ang, Chu chuan, hnam anga kan thangtlawmna siam in zahna nasa zawk kan hmachhawn ngei ang tih a rinawm hle.

Raltiang ram min kai pui thei tur, ram hruaitu kan va mamawh tehlul em!

Chawngphûl Sih Sawm | March 23,2021

Post a Comment

0 Comments