Aizawl | March 4, 2021: Fostering Climate Resilient Upland Farming System in the Northeast (FOCUS) project first installment kaltlanga A.H & Vety. Department, Undivided Champhai District, FOCUS Project ‘Mithun Shelter-Community Level and Water Supply Facility for Grazing Area’ hmalakna Sial In sak leh tuikhur siamte chu vawiin khan Dr. B.Zonghinga DVO Champhai chuan hman theih turin a hawng.
Dr. B.Zonghinga chuan Sial vulh chu eizawnna tlak anih thu leh Mizote thinlungah a beh tlat avangin hralhna kawngah harsatna a awm loh thu a sawi a. Second installment pek chhuah leh mai tura buaipui mek anih thu pawh sawiin, harsatna awmte leh mamawh angte sawrkarin a ngaihven reng thu a sawi bawk.
Undivided Champhai district chhungah Sial vulh khaw 20 an awm mek a, heng zinga khaw 10 thlan hmasak Kawlbem, Vangtlang, Hnahlan, Tualcheng, Khuangleng, Lianpui, Sazep, Vangchhia, Samthang leh Farkawn-a Sial vulhtute hnenah FOCUS project kaltlangin Sial vulh tanpuina leh chhawmdawlna pek chhuah a ni a. First installment kaltlanga tanpuina pek chhuah hmanga hnathawhte chu vawiin a hawn tak nen hian hawn zawh a ni.
Kawlbem khuaah hian Sial vulh chhungkaw 20 awmin, Sial 150 an enkawl mek a ni.
Kawlbem khuaa Sial In leh tuikhur siam hawnna hunah hian Dr. B.Zonghinga DVO, Dr. P.L Lalruatfela VO Hnahlan, Dr. M.S Dawngliana VO Champhai, A.H Vety Department thawktute, Kawlbem khua Sial vulhtute leh khawtlang hruaitute an tel a ni.
DIPR
Post a Comment
He post chungchanga i ngaihdan lo sawi ve rawh: